ადამიანის სხეულში ჰაერი გარდაიქმნება ენერგიად. რომლის ძალა და სიხშირე მნიშვნელოვნად დამოკიდებულია ჩვენს ფიქრებზე. სხვადასხვა ფერთა სუნთქვა ზემოქმედებს ადამიანის ჯამრთელობის სხვადასხვა ფაქტორებზე.

დაჯექით მოხერხებულად, ისე რომ ხერხემალი იყოს გასწორებული. ენის წვერი მიაბჯინეთ ზედა კბილებს უკან, სასაზე. ნელ-ნელა ჩაისუნთქეთ ცხვირით. გონებაში დათვალეთ ხუთამდე. ჩასუნთქვის შემდგომ შეაჩერეთ სუნთქვა ათ თვლამდე. შემდგომ ნელ-ნელა ამოისუნთქეთ პირით თხუთმეტ თვლამდე. ახლა როდესაც თქვენ სუნთქავთ ამ მეთოდით წარმოიდგინეთ და იგრძენით, რომ ჰაერს რომელიც თქვენ ჩაისუნთქეთ აქვს გარკვეული ფერი. წარმოიდგინეთ და შეიგრძნეთ,რომ ეს ფერადი ჰაერი ნელნელა ავსებს თქვენს სხეულს, მოყავს ის წონასწორობაში და მკურნავს იმ მდგომარეობას რომელიც თქვენ გინდათ გამოასწოროთ. (თავდაპირველად,თუ გიძნელდებათ წარმოსახვითი კონცენტრაცია, მოიხმარეთ თქვენი მხედველობითი მეხსიერება. ამისთვის მხედველობის არეში განათავსეთ თქვენს მიერ ამორჩეული ფერის საგანი და მოახდინეთ მასზე მხედველობის კონცენტრაცია). სუნთქვა შეიძლება შეუთავსოთ არომათერაპიას. ამისთვის საჭიროა ამოირჩიოთ ის ეთერზეთი, რომელიც თქვენში გამოიწვევს ნაზ სასიამოვნო სურნელევან შეგრძნებას. ანდა მოწყვიტოთ ყვავილი, უყუროთ მას და ჩაისუნთქოთ არომატი.

თუ თქვენ არ ხართ დარწმუნებული იმ ფერში, შეისუნთქეთ კრისტალურად სუფთა თეთრი ფერი. ასევე თქვენ შეგიძლიათ უბრალოდ შეისუნთქოთ ცისარტყელის შვიდი ფერი, რომ დააბალანსოდ თქვენი სისტემა. ამ მეთოდით სუნთქვის დროა 3 – 5 წთ.
წითელი სუნთქვა - მატებს ენერგიას და ათბობს. ეხმარება გაცივების და სინუსიტის დროს. აშრობს ლორწოვან გარს.

ალისფერი სუნთქვა - ეხმარება დეზინტოქსიკაციის დროს. ეხმარება აკვიატებული აზრის და ნეგატიური გრძნობებისგან.

ვარდისფერი სუნთქვა - დადებითად მოქმედებს კანის პრობლემების და ქოშინის დროს. ამსუბუქებს მარტოობას.

ნარინჯისფერი სუნთქვა - აწონასწორებს ემოციებს. შეუძლია შეამსუბუქოს სუნთქვა. აფხიზლებს შემოქმედებას. თუ ამ ფერს ოდნავ ატმის ფერი გადაკრავს ის კარგად მოქმედებს კუნთებზე.

ყვითელი სუნთქვა - აადვილებს საჭმლის მონელებას და ეხმარება ცოდნის კარგად ათვისებაში. ყვითელს თუ, ოდნავ ოქროსფერი ელფერი გააჩნია, ის მაშინ ზემოქმედებს ზოგად გამოჯანსაღებას და განსაკუთრებით თავის პრობლემების დროს.

მწვანე სუნთქვა - ამსუბუქებს ნერვოზულ მდგომარეობას. სასარგებლოა მხედველობის გაუმჯობესებისათვის.

ფირუზისფერი სუნთქვა - სასარგებლოა რესპირატორული დაავადებებისას. არტრიტის შემთხვევებში.

ცისფერი სუნთქვა - აწყნარებს. აფხიზლებს შემოქმედებით ტალანტს. ამსუბუქებს სუნთქვასთან დაკავშირებულ პრობლემებს. სასარგებლოა ბავშვებისათვის.

ლურჯიფერის სუნთქვა - ხელს უწყობს ინტუიციის განვითარებას. აჩქარებს ქირურგიული ოპერაციების შემდგომ ჭრილობათა შეხორცებას და ხელს უწყობს გამოჯამრთელებას. ლურჯისფერი მომწვანო ელფერით დადებითად მოქმედებს ძვლებზე.

იისფერი სუნთქვა - დადებითად მოქმედებს ადამიანის ჩონჩხის პრობლემებისას. გააჩნია გამასუფთავებელი უნარი. ეხმარება ორგანიზმს ტოქსინებისგან გაწმენდაში. აფხიზლებს სულიერ განწყობას.