2019 წლის 17 იანვრის დღის მთავარი ამბავი, საწუხაროდ, ტრაგიკულია და 4 გარდაცვლილსა და რამდენიმე დაშავებულ ოჯახზე იუწყება - ეს დღე, დიდ დიღომში მომხდარი აფეთქების გამო გლოვის დღედ გამოცხადდა. დღეს უავდრობაც დაემატა და გრიპის ვირუსს წითელას ეპიდემიაც.

საქართველოს და მსოფლიოს ამბები / 17 იანვარი, 2019/

      გლოვის დღე - შსს-მ დიდ დიღომში მომხდარ აფეთქებასთან დაკავშირებით გამოძიება დაიწყო. კახა კალაძე - დიდი ტრაგედია დატრიალდა, მინდა მივუსამძიმრო დაღუპულთა ოჯახებს, ახლობლებს, ნათესავებს და სრულიად საქართველოს. ივანე ჩხაიძე - დამთავრდა ნეიროქირურგიული ოპერაცია პაციენტთან, სადაც მდგომარეობა შედარებით მძიმე იყო და მისი მდგომარეობა სიცოცხლისთვის საშიშად არ ფასდება. ირაკლი კობახიძე - უმძიმესია დიდ დიღომში მომხდარი ტრაგედია, ვუსამძიმრებ გარდაცვლილების ოჯახებსა და ახლობლებს. მთავრობის ადმინისტრაციის შენობაზე სახელმწიფო დროშა დაეშვა. „ევროპული საქართველოს“ ლიდერი დავით ბაქრაძე დიდ დიღომში დაღუპულთა ოჯახებს სამძიმარს უცხადებს. სახელმწიფო უსაფრთხოების სამსახურის ყველა შენობაზე სახელმწიფო დროშები დაშვებულია. ანალოგურად, საზღვარგარეთ საქართველოს დიპლომატიური წარმომადგენლობების შენობებზე სახელმწიფო დროშები დაეშვა. დღეს დილით დილით აფეთქების შედეგად დაშავებული ხუთი ბავშვი იაშვილის კლინიკიდან გაწერეს, ერთი კი რეანიმაციაში დატოვეს. დიდ დიღომში აფეთქების შედეგად დაშავებულმა ორივე პაციენტმა ღუდუშაურის კლინიკა დატოვა. დიდ დიღომში გუშინ მომხდარი აფეთქების შემდეგ მერიამ დაზარალებულები დააბინავა. დიდ დიღომში, საცხოვრებელ კორპუსში, სადაც აფეთქება მოხდა, ექსპერტთა ჯგუფი მუშაობდა. ენერგოომბუდსმენმა დიდ დიღომში აფეთქების საკითხის შესწავლა დაიწყო და ახსნა-განმარტებას „ყაზტრანსგაზისგან“ მოითხოვს. იაშვილის კლინიკის სამედიცინო დირექტორი - აფეთქების შედეგად დაშავებული ბავშვის მდგომარეობა სტაბილურია, თუმცა, მკურნალობას კრიტიკული მედიცინის დეპარტამენტში აგრძელებს. აფეთქების შედეგად ჩამონგრეულ კორპუსში მცხოვრებლებს საკუთარი ნივთების ასაღებად ცოტა ხნით დღესაც შეუშვეს. დავით სერგეენკო - აფეთქების დროს დაშავებულ ბავშვს ყველა საჭირო კვლევა ჩაუტარდა, მჯერა, რომ მის ჯანმრთელობას საფრთხე აღარ დაემუქრება. დიდ დიღომში დაზიანებული კორპუსის გვერდით მდებარე კორპუსის მცხოვრებლების განცხადებით, აფეთქების შედეგად მათი ბინებიც დაზიანდა. ანა დოლიძე - დიდ დიღომში მომხდარი აფეთქება კიდევ ერთხელ ადასტურებს, რომ ჩვენ ვცხოვრობთ სიკვდილით სავსე ქვეყანაში. დიმიტრი ხუნდაძე - მთავარია დადგინდეს მიზეზი, რა არის გამომწვევი მიზეზი დიდ დიღომში მომხდარი აფეთქების და ანალიზის შემდეგ დაიგეგმოს შემდგომი ნაბიჯები. დიდ დიღომში მომხდარი ტრაგედიის შემდეგ, „სისხლის ბანკმა“ მოსახლეობას სისხლის ჩაბარებისკენ მოუწოდა, რასაც, მინისტრი სერგეენკო ასე გამოეხმაურა - სისხლის ბანკი ცდილობს, უბედური შემთხვევა საკუთარი მარკეტინგისთვის გამოიყენოს, მოიზიდოს უფასო დონორები და პროდუქტი შემდგომ კომერციულად გაყიდოს. იაშვილის კლინიკის სამედიცინო დირექტორის განცხადებით, დიდ დიღომში მომხდარ ტრაგედიას შეუძლებელია სისხლის დეფიციტი გამოეწვია. „სისხლს ბანკის“ დირექტორი - ქვეყანაში რომ სისხლის კომპონენტების დეფიციტია, გუშინდელ ტრაგედიამდე რამდენიმე დღით ადრეც განვაცხადეთ. სამშენებლო კომპანია „ელ ჯგუფის“ დირექტორი დღეს გამოკითხვაზე მეორედ დაიბარეს. ადვოკატი - სამწუხაროდ, პოლიცია არ მუშაობს იმ მიმართულებით, რომ რეალურად მომხდარზე ბრალდებული პირი გამოიკვეთოს. კახა კალაძე - დედაქალაქის მასშტაბით, შეიძლება ათი ათასობით ადამიანი ცხოვრობდეს ისეთ საცხოვრებელ კორპუსებში, რომლებიც ექსპლუატაციაში მიღებული არაა. ირაკლი ხმალაძე - მერიის მხრიდან შენობის ექსპლუატაციაში მიღება გაზის სისტემის უსაფრთხოებას არ ადგენს. ადვოკატი - დიდი ალბათობით, „ყაზტრანსგაზ-თბილისი“ ცდილობს პასუხისმგებლობა სამშენებლო კომპანიაზე გადატყდეს. პოლიციაში ჯერჯერობით არ აკონკრეტებენ, გამოიკვეთა თუ არა დიდ დიღომში მომხდარი აფეთქების ფაქტზე ვინმეს ბრალეულობა.

      უამინდობა - ნაქერალას უღელტეხილზე და ახალქალაქი-კარწახის გზაზე მისაბმელიანი ავტოტრანსპორტის მოძრაობა აკრძალულია. გომბორის უღელტეხილზე გადაადგილება მოცურების საწინააღმდეგო ჯაჭვებითაა შესაძლებელი. ლიპყინულისა და ზვავსაშიშროების გამო, ზოგიერთ რეგიონში, საავტომობილო გზებზე გარკვეული შეზღუდვები დაწესდა. ავტობანზე ავარია სამ სხვადასხვა ადგილზე მოხდა, საბოლოოდ, ჯამში ოცზე მეტი ავტომობილია შეჯახებული

      შეზღუდვები ჭონქაძეზე - დღეიდან თებერვლის ბოლომდე ჭონქაძის ქუჩასა და მის მკვეთ ყველა ქუჩაზე სატრანსპორტო მოძრაობა შეიზღუდება. “ჯორჯიან უოთერ ენდ ფაუერი” ჭონქაძის ქუჩაზე წყალმომარაგების სისტემას აახლებს.

      მომსამართლეთა სია - ანა დოლიძე და ნაზი ჯანეზაშვილი მოსამართლეთა სიის საკითხზე „ევროპულ საქართველოს" წევრებს ხვდებიან. სულხან სალაძე - თუ იუსტიციის უმაღლესი საბჭოს დღევანდელი შემადგენლობა იქნება, ღირსეულ კანდიდატებს არ აქვთ შანსი უზენაესი სასამართლოს მოსამართლეები გახდნენ. დავით ჭიჭინაძე - თუ ვიღაცას საკუთარი სასამართლოს მოწყობა უნდა, მისამართი აერია. „ევროპული საქართველოს" წევრები მოსამართლეების საკითხთან დაკავშირებით არასამთავრობო ორგანიზაციის წარმომადგენლებს შეხვდნენ. ეკა ბესელიას ინფორმაციით, ერთი პროექტი იქნება, რომელსაც „მხარს ყველა დაუჭერს, იმ ადამიანების გარდა, ვინც მოსამართლეთა სია დაწერა“. ნაზი ჯანეზაშვილი - მუშაობას გავაგრძელებთ, რომ დავიზღვიოთ თავი ჩინჩალაძის მეგობრების თუ მისი ჯგუფის წევრების უზენაესი სასამართლოს მოსამართლის თანამდებობაზე მოხვედრისგან. დავით ბაქრაძე - ჩვენი ამოცანაა, თითოეულ პატიოსან მოსამართლეს საშუალება ჰქონდეს „კლანის" გარეშე დაწინაურდეს.

      ძლიერი ქარი ზღვისპირეთში - ბათუმის მერიის ინფორმაციით, ძლიერი ქარის შედეგად მიყენებული ზარალის ოდენობა უახლოეს დღეებში გახდება ცნობილი.

      ევროკავშირის დაფინანსებული ანაკლია - ევროკავშირმა ანაკლიის პორტის 233 მილიონი ევროთი დაფინანსების გადაწყვეტილება მიიღო.

      ახალი ეპიდემია - წითელა - ამირან გამყრელიძე - ქვეყანაში წითელას ეპიდაფეთქებაა. 1-ელი იანვრიდან 16 იანვრის ჩათვლით, საქართველოში წითელას 312 შემთხვევა დაფიქსირდა.

საზღვარგარეთულები:

      დენუკლეარიზაცია კორეაში - მაიკ პენსი – აშშ კვლავ მოელის ჩრდილოეთ კორეის ხელისუფლებისგან კონკრეტულ ნაბიჯებს დენუკლეარიზაციის კუთხით.

      პრემირად დარჩენილი ტერეზა - ტერეზა მეიმ პრემიერის პოსტი შეინარჩუნა.

      ვენესუელას ამბები - ვენესუელას საგარეო საქმეთა მინისტრი მიიჩნევს, რონ მაიკ პომპეო თავისი განცხადებებით ქვეყანაში სახელმწიფო გადატრიალების განხორციელებას ხელს უწყობს.