ზოგჯერ ალბათ უკეთესი იქნება მოზრდილები ბავშვებს თუ მივბაძავთ რადგან მათი თვალებით დანახული სამყარო ალბათ ძალიან განსხვავდება ჩვენი აღქმისგან ჩვენც ხომ ოდესღაც ბავშვები ვიყავით ჩვენი წარმოდგენა გვქონდა კარგზე და ცუდზე რაღაცეებს ჩვენი კრიტერიუმებით ვსაზღვრავდით ხშირად სულელურად მაგრამ სამაგიეროდ გულწრფელად როცა იზრდები რთულია ეს სისუფთავე შეინარჩუნო რადგან ადამიანებმა ჩვენთვითონ შევქმენით ისეთი გარემო და სისტემა სადაც ადამიანის ყოფა გაუსაძლისი გახდა

      სახარებაში წერია თუ არ იქნებით და მოიქცევით როგორც ბავშვები ვერ შეხვალთ ცათა სასუფეველში ძმებ კარამაზოვებშიც ხომ ასეთ დარიგებას აძლევს ბერი ზოსიმე ალიოშას რომ გიყვარდეს ბავშვები

      ინტერნეტში გადავაწყდი ბავშვის წერილებს და მინდოდა ამ პოსტში მეჩვენებინა

• ბიბლიაში რომ წერ “პირველად იყო სიტყვაო”, რომელი სიტყვა?
• ღმერთო, მოდი დავმეგობრდეთ?
• როგორ ცხოვრობ ცაში? საჭმელი გაქვს? რამე ხომ არ გჭირდება?
• ადამიანები ისე იტანჯებიან დედამიწაზე… შენი ჯოჯოხეთი, ნუთუ, კიდე უფრო უარესია?
• შენ, რა თქმა უნდა, მიყვარხარ, მაგრამ დედიკო და მამიკო მირჩევნია, ხომ არა უშავს?
• თუ შეიძლება, მე ნუ მოვკვდები რა.
• დედა რომ არ მყიდულობს ხოლმე გემრიელობებს, შენ კარნახობ ხოლმე ამას?
• როგორაა, რომ, ყველაფერი უფლის ნებაა? ზაფხულიც, დედას ავადმყოფობაც, ომიც?
• უფალო, რამდენი წლის ხარ?
• დედამიწაზე რომ ისვრიან, შენთან არ ისმის ღმერთო?
• ათეისტები გთხოვენ ხოლმე რამეს?
• შენს სახლში მინდა სტუმრად მოსვლა. ასე ერთ კვირაში მეცლება.
• სუპერმენად გადამაქციე. ახლა არ მითხრა, რომ უნდა ვივარჯიშო, ყოველ დღე ვირბინო, დილაობით გავკაჟდე. ეს ყველაფერი ისედაც მესმის მამაჩემისგან.