* "ყველაფრისმცოდნე" გუგლმა მსოფლიოს მხატვრული, პუბლისცისტური და სამეცნიერო ნაშრომების რაოდენობა დათვალა . აღმოჩნდა, რომ წიგნების საერთო ჯამი შეადგენს 129 864 880–ს.

* მსოფლიოში ყველაზე ძველ წიგნად ითვლება ე.წ. პრისის პაპირუსი. ის შეიქმნა ჩვ.წ. 3350 წელს. წიგნი იპოვნეს ქალაქ ფივის ერთ–ერთ პირამიდაში. საინტერესოა, რომ პრისის პაპირუსის თემა აქტუალურია დღესაც. ეს არის ე.წ. თაობათა ბრძოლა. ყველაზე ძველი წიგნის ავტორი წუხს იმაზე, რომ ახალგაზრდები გამოუცდელები, ზარმაცები და დაუჯერებელნი არიან. როგორც ხედავთ ხუთი ათასი წლის განმავლობაშიც არაფერი შეცვლილა.

* სტენოგრაფია, რისი საშუალებითაც შეიძლება დაიწეროს ნებისმიერი ტექსტი 5–ჯერ უფრო სწრაფად, ვიდრე ჩვეულებრივი ანბანის საშუალებით, ჯერ კიდევ ჩ.წ. 63 წელს შექმნეს. ცნობილია რომ, ხისგან გამოთილი ასობგერებისაგან გაკეთებული საბეჭდი მოწყობილობა ინდოეთში გუტენბერგამდე დიდი ხნით ადრე, რამდენიმე საუკუნის წინ არსებობდა.

* ყველაზე დიდი წიგნი დედამიწაზე ამსტერდამის ჰოლანდიურ მუზეუმში ინახება. მისი სიმაღლე მეტია საშუალო სიმაღლის ადამიანზე. ზუსტი მონაცემები კი ასეთია: სიგანე – 1 მეტრი, სისქე დაახლოებით ნახევარი მეტრი. წიგნს "ზღვის წესების კრებული" ჰქვია.

* ყველაზე მძიმე წიგნად მსოფლიოში ითვლება გეოგრაფიული ატლასი, რომელიც ინახება ბრიტანულ მუზეუმში, ლონდონში. ატლასის სიმაღლე ერთ მეტრზე მეტია და 320 კგ.ს იწონის.

* მსოფლიოს ყველაზე პატარა წიგნი ერთ სუფრის კოვზზე ეტევა. ასეთი ზომის, სულ თორმეტი წიგნი არსებობს. მათ შორის არის ყურანის მინიატურული გამოცემა, ინგლისური ენის ლექსიკონი (რომელიც 12 ათას სიტყვას შეიცავს) და საფრანგეთის კონსტიტუცია.

* ერთ–ერთი ყველაზე უცნაური წიგნი მსოფლიოში – ეს არის დანტეს "ღვთაებრივი კომედია", რომელიც გადაწერილია ბენედიქტელი სასულიერო პირის, გაბრიელ ჩელანის, მიერ 80 /60 სმ.–ის ზომის ქაღალდზე. თვითოეული, 140 000 ლექსის წაკითხვა შესაძლებელია მარტივად შეუიარაღებელი თვალით, თუმცა თუკი მოშორებით დადგებით და ნაწერს შეხედავთ დაინახავთ იტალიის მშვენიერ რუკას. ამ შრომისთვის ჩელანმა 4 წელი დახარჯა.