ID ბარათთან დაკავშირებით იუსტიციის მინისტრის თეა წულუკიანისა და მორწმუნეების შეხვედრის შემდეგ ჟურნალისტებთან წმიდა მთავარანგელოზთა სახელობის ეკლესიის წინამძღვარმა,დეკანოზმა დავით დათუაშვილმა ისაუბრა:

“წინა ხელისუფლების მიერ ახალი ტიპის ბარათების შემოღება ცალმხრივად მოხდა, რაიმე შეხვედრა ან საზოგადოების გამოკითხვა ჩიპიან პასპორტებთან და ელექტრონულ პირადობის მოწმობებთან დაკავშირებით არ ჩატარებულა.

მისასალმებელია, რომ დღეს ეს შეხვედრა შედგა და მკვდარი წერტილიდან მოძრაობა დაიწყო. ხდება საკითხის განხილვა როგორც საღვთისმეტყველო კუთხით, ასევე ადამიანთა უფლებების დარღვევის მხრივ,” – აღნიშნა დეკანოზმა დავითმა.

მამა დავითის თქმითვე, დღევანდელ შეხვედრაზე კონკრეტული გადაწყვეტილებები არ მიღებულა, მორწმუნეებისა და იუსტიციის მინისტრის შეხვედრა კვლავ გაიმართება. მოხდება კვლევების ჩატარება როგორც სახელმწიფოს, ასევე ეკლესიის მხრიდან.