*იტალიელი კოლექციონერი რიო კოზელი ყველაზე მოსაწყენ წიგნებს აგროვებს. მისი კოლექცია10 00 ტომისგან შედგება. როდესაც ერთმა ხელმოცარულმა იტალიელმა პოეტმა გაიგო, რომ კოზელის ყველა მისი წიგნი ჰქონდა კოლექციაში ლამის თვითმკვლელობით დაასრულა სიცოცხლე.
ყველაზე მოსაწყენი წიგნების სიაში, რომელიც 2007 წელს კომპანია «Teletext»–მა შეადგინა, შევიდა: „ომი და მშვიდობა“, „დანაშაული და სასჯელი“, „ულისე“, „ალქიმიკოსი“ და „ჰარი პოტერი და ცეცხლოვანი თასი“.

*დედამიწაზე ყველაზე ძვირ წიგნად ფრანგი ჯოზეფ ფორეს მიერ გამოქვეყნებული უნიკალური „აპოკალიპსი“ითვლება. ეს წიგნი შეფასებულია 100 მილიონ ძველებურ ფრანკად. ის გამოფენილია პარიზის თანამედროვე ხელოვნების მუზეუმში.
კერძო ბიბლიოთეკაში წარმოდგენილი ყველაზე ძვირი წიგნებიდან ცნობილია „ლესტერის კოდექსი“. ეს ლეონარდო დავინჩის სამეცნიერო ტრაქტატია, რომელიც მიუძღვნა „წყალს, მიწასა და ზეციურ სხეულს“. ამ დროისათვის ამ წიგნის მფლობელია ბილ გეითსი. მან ეს წიგნი 24 მილიონ დოლარად შეიძინა. იმისათვის, რომ წაიკითხო „ლესტერის კოდექსი“, აუცილებელია მოიმარჯვო სარკე: წიგნი დაბეჭდილია სარკისებრი შრიფტით.

*„სამედიცინო ხელოვნების ერთადერთი და საფუძვლიანი საიდუმლო“ – ასეთი სახელწოდება აქვს სქელ, 100 გვერდიან წიგნს, რომელიც იპოვეს სახელგანთქმული ჰოლანდიელი ექიმის, გერმან ბურხავეს, ნივთებს შორის მისი გარდაცვალების შემდეგ, 1783 წელს. წიგნი აუქციოზე 10 ათას დოლარად ღირებულ ოქროზე გაიყიდა. საოცარი, ისაა რომ მასში არაფერი ეწერა გარდა ტიტულოვან გვერდზე გაკეთებული წარწერისა: „გქონდეს თავი სიცივეში, ფეხი სითბოში და შენ გამოაჯანმრთელებ გლახაკს ექიმზე უკეთესად.“

*ლიტერატურათმცოდნეებმა დათვალეს, რომ შექსპირის წიგნებში სიტყვა „სიყვარული“ ნახსენებია 2259–ჯერ, მაშინ როცა „სიძულვილი“ ნახსენებია 229–ჯერ.

*ერთ–ერთი ყველაზე დიდი ჰონორარი რომის იმპერატორმა მარკუს ავრელიუსმა გადაიხადა თევზაობისა და ნადირობის შესახებ შექმნილი პოემებისთვის. პოეტმა ოპიანმა თვითოეული სტროფისთვის თითო ოქროს მონეტა მიიღო. ორივე პოემის სტროფების რაოდენობა ოცი ათას შეადგენს.

source: სწავლა საზღვარგარეთ