2012 წელი:

- მოგესალმებით, ერთი შეკითხვა მაქვს, შესაძლებელია მცხეთაში მქონდეს კავკასუსის ინტერნეტი?

ოპერატორი ბეჭდავს...

- გამარჯობათ ბატონო ლაშა, სამწუხაროდ ჯერ-ჯერობით მცხეთაში არ გვაქვს დაფარვა,უახლოეს მომავალში აუცილებლად შემოვა ჩვენი ინტერნეტი მცხეთაშიც.
- დიდი მადლობა, გელოდებით სულით და გულით.
- სხვა ხომ არაფერი გნებავთ?
- არა, მადლობა და ნახვამდის.
- კარგად ბრძანდებოდეთ ბატონო ლაშა.

2014 წელი:

ოპერატორი ახლავე გიპასუხებთ:

- კაი ველოდები და მიპასუხებს იმედია დღეს.

ოპერატორი ბეჭდავს...

- მოგესალმებთ ბატონო ლაშა, რით შემიძლია დაგეხმაროთ?
- მოგესალმებით. მე ვცხოვრობ მცხეთაში და აქ ისეთი ინტერნეტია თმას გიწეწავს ფასი და სიჩქარე მტრედების გადაფრენის მსგავსია. შეგიძლიათ მანუგეშოთ და მითხართ რომ კავკასუს ონლაინის ინტერნეტი მალე მცხეთასაც მოედება?
- (ოპერატორი იცინის) სამწუხაროდ არა ბატონო ლაშა, ჩვენი დაფარვის ზონაში მცხეთა არ შედის.
- მადლობა ოპერატორო, თქვენ ნამდვილი ოპერატორი ხართ!
- სხვა ხომ არაფერი გნებავთ ბატონო ლაშა?
- არაფერი ქალბატონო ოპერატორო.
- ნახვამდის ბატონო ლაშა.
- ნახვამდის ქალბატონო ოპერატორო.

       ახლა ვნახოთ რა არჩევანი გვაქვს მცხეთელებს:

       ამას ემატება აფერისტობაც. სტანდარტში რომ წერია 512/1024, ერთხელ არ მინახავს 300_ს ზემოთ ყოფილიყოს!

       აქაოდა ბაზარი ჩვენიაო, რეგიონი ათვისებული გვაქვს და სხვა ვერავინ გაჭაჭანდებაო, რა ფასსაც უნდა იმას ადებენ და როგორ ინტერნეტსაც უნდა ისეთს უშვებენ, ოპერატორთან დარეკავ და გადაგყვებიან ისე გულიანად მოგემსახურებიან. ონლაინ კონსულტაცია უფრო მაგარი აქვთ - დარეკე აბონენტთა მომსახურების ნომერზეო. თუ "რემონტი" აქვთ, გაგითიშავენ ტელეფონს, ინტერნეტს, შუქს! რომ შეეძლოთ ჰაერსაც...

       ახლა ისევ გუგლის იმედად ვარ. ამას წინად მოვისმინე, გუგლს გადაუწყვეტია მთელი მსოფლიო WiFi_თ გამოკვებოს. ასობით საჰაერო ბუშტის "დამაგრებას" აპირებს ატმოსფეროში საიდანაც WiFi მთელს პლანეტას მოეფინება. ისევ ისინი თუ მიშველიან თორემ ამ ფულიჭამია კომპანიების იმედზე ჩემი მტერი იყოს.

       მორჩა, მეტი კომენტარის და წუწუნის სურვილიც არ მაქვს! ეს რა ჭირი გვჭირს ტო?!