2010 წელი იყო სკოლა რომ დავამთავრე და იმავ წელს მომიწია უნივერსიტეტში ჩაბარება, მაშინ ბევრი არაფერი იყო საფიქრალი, გამომდინარე ჩემი ექსპრომტად მიღებული გადაწყვეტილებისა გავმხრიყავი სტუდენტი, ილუზია თსუ_ელობისა არ მქონია, ამიტომ ავირჩიე ილიაუნი და გავხდი იქაურიც (რაც ნამდვილად არ მინანია 4 წლის მანძილზე). 2014 წელია უნივერსიტეტი რომ დავამთავრე და ისევ უნივერსიტეტში მიწევს ჩაბარება, ოღონდ ერთით ზედა საფეხურზე - მაგისტრობას ვაპირებ.

ის თუ რა არის სამაგისტრო გამოცდები, ამაზე ჩემმა მეგობარმა თამუნამ უკვე ისაუბრა პოსტში "სამაგისტრო გამოცდები – ზაფხულის კიდევ ერთი ციებ–ცხელება", და იმდენად ამომწურავად რომ რაიმეს დამატებას აზრი არ აქვს. მე ახლა იმ პრობლემაზე მინდა ვისაუბრო რომლის წინაშეც ჩაბარების და ქულების გაგების შემდეგ დგება გამოცდაგამოვლილი მაგისტრანტი. დგება იმ შემთხვევაში თუკი საქმე ჰუმანიტარულ ან სოციალურ მეცნიერებათაგან ეხება რომელიმეს და არა ზუსტ ან საბუნებისმეტყველოს. თუ რატომ, ამას სტუდენტობა გამოვლილი და სტუდენტობაში მყოფნი თავად მიხვდებიან.

განათლების სამინისტროს ქულაგამოსაქვეყნებელ გვერდზე ჩემი შედეგებიც წერია:

ამ შედეგების მიხედვით აშკარად გადალახული მაქვს მინიმალური ბარიერი და როგორც მამშვიდებენ ეს ფაქტი სრულიად საკმარისია იმისთვის რომ თავი მაგისტრანტად ჩავთვალო, მაგრამ მაგისტრანტი სად?

დავამთავრე ილიას სახელმწიფო უნივერსიტეტი, ჩემი ბლოგის მკითხველებს ალბათ ეს პოსტიც ემახსოვრება ფიქრები რომ მაწვიმდა გამოსაშვებ საღამოზე. დავამთავრე სოციოლოგია და გამოცდაც დავწერე B კატეგორიის, რადგან "შეჭვეული ჭირი ჯობს შეუჩვეველსო" აქამდე ამართლებდა და მგონია რომ არც აწი მიმტყუნებს (B კატეგორიაში ერთიანდება სოციალური მეცნიერებები, გარდა ეკონომიკისა). შეუჩვეველ ჭირში თსუ_ს მოვიაზრებდი რა თქმა უნდა. სხვა უნივერსიტეტის იდეაც კი არ მომსვლია თავში, არა იმიტომ რომ ეს ორი საუკეთესოები მგონია, არამედ იმიტომ რომ ახლომეზობელ მგეობრები არიან და შიდა წრიდან გასვლის ნერვებისშლა მეხამუშება.

ახლა 4 წლის საუნივერსიტეტო დავები - რომელი უფრო "მაგარია" თსუ თუ ილიაუნი ერთიანად ტივტივებენ ტვინში და ორივეს საკმაოდ დიდი ბევრი + და - აქვს დაგროვებული ასარჩევადაც და ზურგშესაქცევადაც, მაგრამ არჩევანის გაკეთება მაინც მომიწევს და ამიტომ ვკითხულობ შემოთავაზებებს ჩემი კატეგორიის ქვეშ.

ილიაუნი მთავაზობს:

მიმართულება: სოციალური მეცნიერებები

1. ფსიქოლოგია (სოციალური ფსიქოლოგია, განათლების ფსიქოლოგია, კლინიკური ფსიქოლოგია)
2. მედია, ჟურნალისტიკა და კომუნიკაცია: პრაქტიკა, კვლევა
3. პოლიტიკის მეცნიერება (საერთაშორისო ურთიერთობები, ევროპისმცოდნეობა, კავკასიის კვლევები, საბჭოთა კვლევები, პოლიტიკის მეცნიერება)
4. საჯარო პოლიტიკის ადმინისტრირება
5. სოციოლოგია
6. ადიქციის კვლევები

(იხ. ილიაუნი 2014 - 2015 სამაგისტრო პროგრამების ჩამონათვალი)

თითქმის საუკუნოვანმა თსუმ ჩამონათვალით ძალიან გაუსწრო ახალბედა ილიაუნის პროგრამებს:

• პოლიტიკური მეცნიერებები
  1. პოლიტიკის მეცნიერება Political Science Master of Arts Program
  2. სახელმწიფო მართვა და საჯარო პოლიტიკა Public Administration and Public Policy

• ჟურნალისტიკა და მასობრივი კომუნიკაცია
  1. მასობრივი კომუნიკაციის და მედიის კვლევები (Mass Communication and Media Studies);
  2. მედია და ახალი ტექნოლოგიები "Media and New Technology"

• საერთაშორისო ურთიერთობები
  1. დიპლომატია და საერთაშორისო პოლიტიკა Diplomacy and International Politics
  2. ნაციონალიზმისა და ეთნიკურობის კვლევები Nationalism and Ethnicity Studies

• საზოგადოებრივი გეოგრაფია
  1. საზოგადოებრივი გეოგრაფია Human Geography

• სოციოლოგია/სოციალური სამუშაო
  1. ინფორმაციული საზოგადოება და მედიის სოციოლოგია "Informational Society and Sociology of Media"
  2. სოციალური მუშაობა Social Work
  3. სოციოლოგია Sociology

• ფსიქოლოგია
  1. გამოყენებითი სოციალური ფსიქოლოგია MSc in Applied Social Psychology
  2. განათლების ფსიქოლოგია და კვლევა - Educational psychology and research
  3. სოციალური, პოლიტიკური და კულტურული ფსიქოლოგია Social, Political and Cultural Psychology
  4. შრომისა და ორგანიზაციის ფსიქოლოგია Work and Organizational Psychology
  5. ფსიქოლოგიური შეფასება/დიაგნოსტირება და კონსულტირება. Assessment and Counseling

• საერთაშორისო/ინტერდისციპლინური პროგრამა
  1. გენდერის კვლევა (Gender Studies)
  2. კონფლიქტების ანალიზი და მართვა Conflict analysis and Management
  3. ევრაზიისა და კავკასიის კვლევები (Eurasian and Caucasus Studies) International Interdisciplinary English-language Master’s Program in Social Sciences
  4. ფსიქოლოგიური ანთროპოლოგია (ინტერდისციპლინური); Psychological Anthropology

მაგრამ საქმე იმაში კი არაა, რას აირჩევ. მთავარი შეკითხვა, რომელზეც სხვებითვის პასუხის გაცემამ უკვე დამღალა, მაგრამ საკუთარი თავისთვის პასუხი ვერ მიპოვია ჟღერს ასე:

რა გამოხვალ და სად იმუშავებ?

ჰო, აბა მიპასუხეთ ახლა, რა გამოვალ და სად ვიმუშავებ?!

ეს ფრიად საჭირბოროტო საკითხი მერესთის გადავდოთ. ახლა პოსტის მთავარი იდეა - ჩემო მეგობრებო, ვისაც B კატეგორია გაქვთ დატესტილი და აპირებთ ისოციალუროთ, იქნებ თქვენი არჩევანი გამანდოთ, რომ თუ სწავლაა არ ჯობს მეგობრების გარემოცვაში ვისწავლო? გავერთობი მაინც!

ველოდები გამოხმაურებებს!