ნოემბრის ბოლო მონოტონურად მიედინება - ყოველ ღამით აქციები, მერე ამ აქციების დაშლა-დარბევები და მეორე დღეს ამ დარბევევზე კომენტარები, მოწოდებები, შეძახილები და ა.შ. ცხადია, ეს პოზიცია-ოპოზიციური ჭიდილიც არ სიტყვათა მიგება, არ სრულდება. დღის მთავარი თემა ალბათ ევროსაბჭოს თავმჯდომარეობა იყო, რომელიც მომდევნო წლის განმავლობაში საქართველოს ხვდა წილად.
პოლიტიკა ქუჩაში ან ქუჩურად - გიორგი ვაშაძე არჩილ თალაკვაძის მოწოდებაზე - "ქართული ოცნებისგან" ცინიზმი ჯერჯერობით წამყვან როლს იკავებს. გიორგი ვაშაძე - კახა კალაძე ოპოზიციაში ძალიან მალე აღმოჩნდება. გიგა ბოკერია - ოპოზიციური პარტიების უმრავლესობა იხრება იმისკენ, რომ პარლამენტის წევრებზე წნეხი გაგრძელდეს. გია ვოლსკი - ქუჩაში გასვლით და საზოგადოების შეცდომაში შეყვანით არანაირი დისკომფორტი არ ექმნება პოლიტიკურ პარტიას - დისკომფორტი ექმნება ქვეყანას. გიორგი ვაშაძე - დიდი მასშტაბური აქციის თარიღი კვირის ბოლოს დაანონსდება. გიგა ბოკერია - ირაკლი კობახიძე ამ პოლიტიკური კლოუნების გუნდში გამორჩეული პოლიტიკური კლოუნია. თინა ბოკუჩავა - თუ კალაძე მართლაც გადაწყვეტს ფსევდოდამოუკიდებელი პოლიტიკური ძალის შექმნას, ეს ისევ და ისევ ივანიშვილის დავალებით მოხდება. აქციის ორგანიზატორები პარლამენტთან პიკეტისა და „ქართული ოცნების“ დეპუტატებისთვის სირცხვილის კორიდორების მოწყობას 28 ნოემბერს გეგმავენ. აშშ-ს სახელმწიფო დეპარტამენტი საქართველოს მთავრობას და დემონსტრანტებს მოუწოდებს, გამოიჩინონ თავშეკავება და ესკალაცია ან ძალადობრივი მოქმედებები თავიდან აიცილონ. ვახტანგ ძაბირაძე - უკვე დაიწყო თამაში გაძლებაზე, ვინ უფრო დიდხანს შეინარჩუნებს სიმშვიდეს - ამ მხრივ, ოპოზიციას უფრო მეტი პრობლემა აქვს, ვიდრე ხელისუფლებას. რამაზ საყვარელიძე - ფაქტია, რომ აქციების მუხტი შედეგს არ იძლევა. თინა ბოკუჩავა - თუ ხუთშაბათს ექნებათ პარლამენტის სხდომის ჩატარების მცდელობა, ხუთშაბათს მოვახდენთ პარლამენტის პიკეტირებას. სულხან სალაძე - ხელისუფლებამ უნდა გასცეს პასუხი, რა საჭირო იყო დილის 5 საათზე წყლის ჭავლის გამოყენება, როცა პლენარული სხდომის დაწყებამდე დიდი დრო იყო. სამართალდამცავები არასამთავრობო ორგანიზაციას პარლამენტთან კარვის დადგმის საშუალებას არ აძლევდნენ. კახა კალაძე 28 ნოემბერს დაგეგმილ აქციაზე - თუ კანონის ფარგლებს გასცდებიან, ამას შესაბამისი რეაგირება მოჰყვება. ხათუნა ლაგაზიძე - ოპოზიციას პიკეტირების გარდა სხვა გამოსავალი არ აქვს, მისი ტაქტიკა გამართლებულია, რადგან არ არის ძალადობრივი და ხელისუფლებას ამყოფებს სტრესში. გია ვოლსკი - შექმნილ ვითარებაში კომპრომისი არ ჩანს. Amnesty International - მთავრობის მიერ 18 და 26 ნოემბერს ძალის გამოყენება არც პროპორციული იყო და არც აუცილებელი.
მოსმენა როგორც გამოსავალი - გია ვოლსკი პატრიარქის განცხადებაზე - მე ვნახე, ოპოზიციის დიდ ნაწილს როგორი დამოკიდებულება აქვს არა მარტო პატრიარქის, არამედ ეკლესიის მიმართ და ძალიან რთულია, ასეთ შემთხვევაში მოუსმინო ადამიანებს. თურქეთის ელჩი ილია მეორეს - სერიოზული პროპაგანდა მუშაობს ჩვენი მეგობრობის წინააღმდეგ. პატრიარქის განცხადებით, სამწუხაროა, რომ არ არსებობს ურთიერთგაგება ხელისუფლებას და ოპოზიციას შორის. მან განსაკუთრებულად ხაზი გაუსვა ერთმანეთის მოსმენის საჭიროებას და აღნიშნა, რომ მოსმენით მიიღწევა ის, რაც ქვეყანას სჭირდება. ეს განცხადება პატრიარქმა დიპლომატიურ კორპუსთან შეხვედრის შემდეგ გააკეთა.
ევროსაბჭოს პრეზიდენტობა ანუ საშუალება ჩვენი პრობლემების გასაჯაროვების - დავით ზალკალიანი ჰაიკო მაასს - მოწმეები ვართ, როგორ ყოფს მავთულხლართები ოჯახებს, გერმანიის სწრაფვა გაერთიანებისკენ ჩვენთვის შთაგონების წყაროა. დავით ზალკალიანი საერთაშორისო თანამეგობრობას სთხოვს, ექიმ ვაჟა გაფრინდაშვილის უკანონო პატიმრობასთან დაკავშირებით, რუსეთზე ზეწოლა გაზარდოს. დავით ზალკალიანი - ბერლინში გამართულ ყველა მაღალი დონის შეხვედრაზე საუბრის მთავარი თემა ვაჟა გაფრინდაშვილის უკანონო დაკავებაა. გრიგორი კარასინი იმედოვნებს, რომ ექიმ ვაჟა გაფრინდაშვილთან დაკავშირებული ვითარება „მალე მოგვარდება“. დავით ზალკალიანი - პირველად დამოუკიდებელი საქართველოს ისტორიაში, საქართველო ხდება ისეთი მნიშვნელოვანი საერთაშორისო ორგანიზაციის თავმჯდომარე ქვეყანა, როგორიც არის ევროპის საბჭო. ირაკლი ჩიქოვანი - საქართველოს, როგორც ევროპის საბჭოს თავმჯდომარე ქვეყანას, ეძლევა შესაძლებლობა, რომ საერთაშორისო პარტნიორებს საკუთარი დღის წესრიგი გააცნოს.
მოჩერჩეტე ფულები - 20-მილიონიანი საგარანტიო ფონდი, რომელიც ბიუჯეტიდან მცირე და საშუალო ბიზნესის ფინანსებზე წვდომის გაზრდის მიზნით გამოიყო, აუთვისებელია. „საერთაშორისო გამჭვირვალობა - საქართველო“ - 2019 წლის პირველ ნახევარში ოფშორული ქვეყნებიდან ყველაზე მეტი ინვესტიცია - 59 მლნ დოლარი პანამადან შემოვიდა, რაც ივანიშვილს უკავშირდება.
ივნისელების ჩვენებები - 20 ივნისის საქმეზე დაკავებულის განცხადებით, ციხეში სთხოვდნენ, ნიკა მელიას, ირაკლი ოქრუაშვილის და გიგი უგულავას წინააღმდეგ ჩვენება მიეცა.
ერთიანი სამედიცინო ტარიფები - ლევან კობერიძე - კლინიკებისთვის მომსახურების ტარიფების გათანაბრების შემდეგ, ხშირად პაციენტებისთვის ხარისხიანი მომსახურების გაწევა შეუძლებელია და საავადმყოფოებსაც ზარალი ადგებათ. ჯანდაცვის მინისტრის მოადგილე - მე ვუშვებ შესაძლებლობას, რომ კლინიკებისთვის დაწესებული ერთიანი ტარიფი შეიცვალოს.
გაძვირებული თბილისური მგზავრობა - „თბილისის მიკროავტობუსის" დირექტორი - თუ მგზავრობის ტარიფი გაიზრდება, შევძლებთ მომსახურება იმ დონეზე ავიყვანოთ, რომ ახალ ავტობუსებს არ ჩამოვრჩეთ.
წყაროები: ქართული ინტერნეტ საინფორმაციო პორტალები
◄ წინა ამბები | მომდევნო ამბები ► |
Welcome to
Qwelly
გამოაქვეყნა EFTcheat_მ.
თარიღი: აპრილი 26, 2025.
საათი: 2:30pm
0 კომენტარი
0 მოწონება
In the present earth, history checks are getting to be a regular part of the selecting method, tenant screening, and in some cases volunteer variety. From verifying work historical past to examining felony information, qualifications check providers give vital insights into somebody's heritage. In the following paragraphs, we’ll include the kinds of track record checks, how they perform, and why They are really critical for each companies and people.
What exactly…
გამოაქვეყნა ლაშა_მ.
თარიღი: აპრილი 22, 2025.
საათი: 11:23pm
0 კომენტარი
3 მოწონება
თვალებს ძლივს ახელდა დასაძინებლად რომ წავედით, მაგრამ მაინც მოვახერხეთ ძილისწინა საუბრები. ამჯერად, თემა ნათესავები და ნათესაური კავშირები იყო და ცოტა ვერ მიხვდა რა სხვაობა შვილიშვილსა და შვილთაშვილს შორის. ის კი გაიგო, რომ პირველი - მესამე თაობას ნიშნავდა, ხოლო მეორე - მეოთხეს, მაგრამ თვითონ ეს სიტყვები - შვილი-შვილი და შვილთა-შვილი რატომ…
გამოაქვეყნა ლაშა_მ.
თარიღი: აპრილი 20, 2025.
საათი: 2:00am
0 კომენტარი
3 მოწონება
სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის, ილია II-ის სააღდგომო ეპისტოლე
საქართველოს წმინდა მართლმადიდებელი ეკლესიის წევრთ, მკვიდრთ ივერიისა და ჩვენი ქვეყნის საზღვრებს გარეთ მცხოვრებ თანამემამულეთ:
ქრისტე აღდგა!
აღდგეს ღმერთი, მიმოიფანტონ…
გამოაქვეყნა EFTcheat_მ.
თარიღი: აპრილი 9, 2025.
საათი: 5:30am
0 კომენტარი
0 მოწონება
The 12 months 2025 has brought a wave of innovation and creativeness to Bangla natok, redefining the storytelling landscape for audiences worldwide. With refreshing narratives, groundbreaking themes, and Outstanding performances, The brand new natoks of 2025 continue to elevate the art of Bengali drama.
What to anticipate from New Natoks in 2025
Daring Narratives: The most up-to-date natoks are exploring uncharted territories, delving into social…
© 2025 George.
•
თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!
Qwelly_ზე რეგისტრაცია