მინდა შევქმნა ბლოგი, რომელშიც თავმოყრილი იქნება თითეული დღის ახალი ამბები. ნიუსების ბლოგი. სიახლეები დაიდება ყოველდღე, 22:30-ზე.

საქართველოს ამბები /22 მაისი, 2017/

      ჩვენს ქვეყანაში სამართლის სფერო ყველაზე აქტუალურია დღის ამბებში.

      ინტერნეტ ნიუსები აქტიურად აშუქებდნენ თორდია-ფარცხალაძის ამბავს, აუდიტის სამსახურიდან პროკურატურამ ფარცხალაძის საქმე გამოითხოვა. თორდია აცხადებს: კადრებით დასტურდება, რომ პირველი ფარცხალაძემ დამარტყა ამასთანავე, მან მიმართ პარლამენტს თხოვნით: „შსს-ს ბრიფინგი სამარცხვინო იყო, მინდა ვთხოვო პარლამენტს, შეიქმნას საგამოძიებო კომისია“. ომბუდსმენის თქმით: „ოთარ ფარცხალაძე საკმაოდ დაგვიანებით დაკითხეს“. დღესვე, შსს-მ თორდიასა და ფარცხალაძის დაპირისპირების ამსახველი ვიდეო გამოაქვეყნა. აუდიტის სამსახური არკვევს, რატომ გადაუხადა მერიამ 2 მილიონით მეტი კომპენსაცია ფარცხალაძის კომპანიას. აქვე, დავით ნარმანიას თქმით, აუდიტის სამსახურის უფროსის პოსტზე მისი კანდიდტურა განიხილება. სამუშიას თქმით, აუდიტის სამსახურმა კითხვები სამხარაულის ბიუროს უნდა დაუსვას. ოპოზიციიდან, გივი თარგამაძე ამბობს, რომ ფინანსური პოლიცია ფარცხალაძის პირად საკუთრებაშია.

      მომდევნო სიახლეც სამართის სფეროდან: ადვოკატის თქმით, მამალაძე სახაზინო ადვოკატზე უარს ამბობს. HRIDC-ს განცხადებით: დეკანოზს მეოთხე ადვოკატი ჰყავს – სახაზინო ადვოკატის დანიშვნა უკანონობაა. დეკანოზი გიორგი მამალაძის ადვოკატებმა სასამართლოს 19 მაისის გადაწყვეტილება გაასაჩივრეს. ამის პარალელურად, საპატრიარქოს იურისტის განცხადების თაობაზე სასამართლოს მიმართავენ. საინტერესოა ისიც, რომ დეკანოზი საპატრიარქოს ღირსების შელახვისთვის სასამართლოში უჩივლებს, ხოლო ჟურნალისტმა მამალაძემ დღეს განაცხადა, რომ არსებობს ფარული ჩანაწერი, რომელიც შედგა მამალაძეებს შორის (ჟურნალისტსა და მამაოს) და მისი გასაჯაროვება არა მარტო მორალურად, არამედ სამართლებრივი კუთხითაც დაუშვებელია, იმიტომ რომ საქმე პირადი ცხოვრების დეტალებს ეხება.

      გაზსადენზე ტერაქტის ორგანიზებისთვის ბრალდებულები დამნაშავედ ცნეს.

      კახეთიდანაც იგივე სფერო: საოლქო პროკურატურა სამართალდამცავის მიერ მოქალაქის ცემის შესაძლო ფაქტს იძიებს;

      ისევ გამოძიება: ფოტოგრაფების საქმეზე ბრალდებული დავით დევნოზაშვილი პატიმრობაში დატოვეს; და კიდევ ერთიც, დღეს პროკურატურამ კლინიკა “ლანცეტის” მფლობელი დააკავა. დაკავებას ვერ გადაურჩნენ ფულის გამყალბებლებიც, ყალბი 500-ევროიანის გასაღების ბრალდებით, ორი პირი დააკავეს

      საკონსტიტუციო ცვლილებებს ვენეციის კომისიასთან ერთად ბერლინში განიხილავენ. ვენეციის კომისიის მდივანი აცხადებს: „საკონსტიტუციო ცვლილებებზე კონსენსუსის მიღწევაა მნიშვნელოვანი“. ფრაქცია „ქართული ოცნების“ თავმჯდომარე მამუკა მდინარაძე აცხადებს: „ვფიქრობთ, ვენეციის კომისიის დასკვნა იქნება დადებითი ყველა საკითხზე“

      ოკუპირებულ ტერიტორიაზე ცხედარი იპოვეს.

      GNCC-იმ საერთაშორისო შემომავალ ზარებზე ახალი ტარიფები დააწესა.

      12 მომხრე, 3 წინააღმდეგი – ხმაური ზუგდიდის საკრებულოში თვითმმართველობის გაერთიანებაზე. ქალაქების სტატუსს ეხმაურება სალომე ზურაბიშვილიც, „მცხეთა ლევილთან არ უნდა დაძმობილდეს - მიყრუებული სოფელია პარიზთან.“

      ენმ თბილისის საარჩევნო პროგრამის სამუშაო ვერსიას ავრცელებს, ეროვნული ბანკის ახალი წესი კი კომერციული ბანკების გარდა, მიკროსაფინანსო ორგანიზაციებსა და არასაბანკო სადეპოზიტო დაწესებულებებზეც გავრცელდება

      თბილისის მერიის დაპირებით, ილია ჭავჭავაძის მუზეუმი ძეგლებზე მუშაობის წესების დაცვით აღდგება

უცხოეთის ამბები

      პირველ რიგში მეგობრები: უკრაინის მოქალაქეებისთვის ევროკავშირთან უვიზო მიმოსვლა 20 დღეში ამოქმედდება. შემდგი ნიუსები ეხება არეულობას, მსოფლოს გარშეო: ასადის რეჟიმმა ქალაქ ჰომსზე სრული კონტროლი მოიპოვა. ლათინურ დასავლეთში, ბრაზილიაში ასობით ათასი ადამიანი პრეზიდენტის გადადგომას ითხოვს. მაკკეინი აცხადებს, რომ ლავროვი მკვლელის მარიონეტია, რომელსაც თეთრ სახლში არაფერი ესაქმებოდა, სამაგიეროდ დონალდ ტრამპი ისრაელში ორდღიანი ოფიციალური ვიზიტით ჩავიდა.

      ინტერნეტის, დამოუკიდებელი სამყაროს ამბები ყველაზე კარგად ინტერნეტ ვალუტაზე ჩანს: ბიტკონის ღირებულებამ $2100-ს გადააჭარბა, კრიპტოვალუტა ისტორიულ მაქსიმუმზეა და დღეს 2105 აშშ დოლარი შეადგინა.