გუშინ პირველად ვნახე ვარსკვლავური ომები და რომ არ მცოდნოდა 1977 წელს იყო გადაღებული, ალბათ ვიტყოდი დრო დავკარგეთქო, მაგრამ არა - მაინც არ ვიტყვი. ამ ჟანრში უდაოდ კლასიკაა.

      თინეიჯერებისთვის ცოტა ენციკლოპედიური მონაცემები. ფილმი რამდენიმე ნაწილისგან შედგება. სულ არის 9 ეპიზოდი და აქედან 7 უკვე გამოსულია, დარჩენი 2 მომდევნო წლებშია დაანონსებული. გამოვიდა ტრილოგიებად, როგორც ბეჭდების მბრძანებელი, იწყება ყველაფერი შუა ნაწილით. 1977 წელს გადაღებული ფილმი, რომელიც წარმოადგენს ვარკსლვავური ომების მეოთხე ეპიზოდს, მაგრამ არის პირველი ფილმი და ახალი იმედის შესახებ მოგითხრობთ. სულის ჩამდგმელი რეჟისორი გახლავთ ჯორჯ კულასი. მოგვიანებით, ფილმის პოპულარულობიდან გამომდინარე, ჯორჯ ლუკასმა მოიფიქრა გადაეღო ვარსკვლავური ომების წინარე ისტორია, ამიტომ გამოვიდა ვარსკვლავური ომები 1 (ფარული საფრთხე), 2 (კლონების თავდასხმა), 3 (სითხების შურისძიება). ბოლოს ამასაც არ დაჯერდა და გაგრძელებაც მოუფიქრეს. მოკლედ, ასე თუ ისე, კინოინდუსტრიაში არაფერი ახალი და განსაკუთრებული არ ხდება, 60-70-80_იანი წლების სიახლეებში ვართ დარჩენილი.

      რატომ უნდა უყუროთ ვარკსკვლავურ ომებს - იმიტომ, რომ მერე აღარ უყუროთ სხვა კომიქსურ ფილმებს, ან მულტფილმებს. უბრალოდ აღარ იქნება საჭირო. მართალია ახლა ყველა ელის სუპერმენისა და ბეტმენის ომს, მაგრამ ეს იქნება ისეთივე უინტერესო და მხოლოდ სანახაობაზე გათვლილი ომი, როგორც თანამედროვე ფეხბურთში ხდება ხოლმე. და რადგან გული მიგრძნობს რომ სუპერმენი უნდა დამარცხდეს (რაც იდეაშივე აფსურდია), საერთოდ არ მიმიწევს გული.

      მართალია, ამ ბლოგზე ხშირადხსენებული კუბრიკის კოსმოსურ ოდისეას ვერ შეედრება ვარსკვლავური ომების გამოგონებები, კადრები, წარმოდგენები კოსმოსზე, მინიმუმ იმიტომ, რომ 8 წლით გვიან გადაიღეს, მაგრამ მაინც შთამბეჭდავია ლუკასისეული ცხოვრება უცხოპლანეტურ სამყაროში.

      დეტალები და შთაბეჭდილებები:

• მერამდენედ მქონდა ეს განცდა არ ვიცი, ნეტა ყველა საგმირო ფილმში ასეა? - ბოროტი გმირი, ოდესღაც კეთილი იყო და მერე გახდა ბოროტი.
• ბოროტებასაც სფეროს ფორმა აქვს?
• ამ ფილმით საბჭოთა კავშირს ანგრევდნენ?
• პრინცესას ვარცნილობა და უცხოპლანეტელები მართლაც ბრავო!
• ანდროიდს წინაპარი კინოინდუსტრიაში ყოლია ერორის სახით.
• ჰარისონი კოსმოსშიც ინდიანა ჯონსია?

...

      ფილმს არ მოგიყვებით, უყურეთ და შთაბეჭდილებები გამიზიარეთ.