ჩახედე მეგობარს თვალებშიო - საბჭოთა საქართველოში მეგობრობაზე შექმნილ სიმღერათა შორის, ერთ-ერთი ყველაზე პოპულარული სიმღერაა, მაგრამ იდეად ის აქვს, რომ მეგობრის თვალებში დაგხვდება სითბო და ალერსი. მაგრამ თუკი, მოგვეცემა საშუალება მთელს მსოფლიოში, სხვადასხვა, უცნობ-ნაცნობ, სხვა ეროვნების, აღმსარებლობის, ფერის, მენტალობის ადამიანებს ჩავხედოთ თვალებში, მაშინ?

      ალექსანდრე კიმუშინი (Alexander Khimushin) ავსტრალიერლი ფოტოგრაფი და ბიზნესმენია, ქუინსლენდიდან. აგერ უკვე 9 წელია მოგზაურობს და მსოფლიოს 84 ქვეყანაშია ნამყოფი და ამ ქვეყნების ყველაზე დასამახსოვრებელი სახეები, პორტრეტები აქვს შეკრებილი თავის საფირმო ალბომში „მსოფლიო სახეებში“ (The World in Faces). უნდა ვაღიარო, მართლაც შთამბეჭდავი იდეაა და ფოტოებიც ძალიან სანახაობრივი გამოსდის. ეთნიკური უმცირესობების წარმოსაჩენად და უკვდავსაყოფად მოფიქრეულმა იდეამ, მსოფლო აღიარება მალევე მოუტანა, მაგრამ მით არ დაკმაყოფილებულა.

      ბოლო 6 თვეა, ალექსანდრ ხიმუშინი გაყინულ მიწაზე გაადგილდება. 15 000 კილომეტრი მარტო განვლო, რათა მის მრავალასეულ ფოტოთა შორის, განსაკუთრებით მრავალფეროვანი კოლექცია შეექმნა. ფოტოგრაფი, სრულიად მარტო, ციმბირის თვალუწვდენელ მიდამოებში დაბოდიალობდა, ეძებდა მცირე ადგილობრივ ტომებს და აჩხაკუნებს კამერას - ბაიკალის ტბიდან, იაპონიის ზღვამდე. „ოფიციალურად, რუსეთი 40-მდე მკვიდრ ეთნიკურ ჯგუფს აღიარებს, თუმცა ადგილზე გაცილებით მეტია, თითქოს ჰგვანან ერთმანეთს, მაგრამ თითოეული მათგანის კულტურა, განსაკუთრებულია და მსოფლიოს უნიკალური საგანძურია“ - იხსენებს მოგზაურობიდან დაბრუნებული ალექსანდრე.

      ულჩსკის უბანი, ხაბაროვსკის მხარე; სახას რესპუბლიკა; ნიკოლაევსკის უბანი, ხაბაროვსკის მხარე, ოხოსტის ზღვის ნაპირები; სამხრეთ იაკუტია; საიანის მთები, ირკუცკის მხარე; ევენო-ბიტანტაისკის მხარე, იაკუტია; შიდა მონღოლეთი, ჩრდილო-დასავლეთ ჩინეთი; ბურიატიის რესპუბლიკა; ალტაის რეგიონი, მონღოლეთი; სახალინის კუნძული; პრიმორსკის მხარე; ნერიუგრინსკის უბანი; პერვომაიკა, ზაიგრაიევსკის მხარე, ბურიატია; მიხაილოვკა, პრიმორსკის მხარე; ნანაისკის უბანი, ხაბაროვსკის მხარე; ბულავა, ხაბაროვსკის მხარე; ჰოკაიდოს კუნძული; ბაღდარინი, ბაუნტოვსკის უბანი, ბურიატიის რესპუბლიკა - ეს მცირე ჩამონათვალია იმ ტერიტეორიებისა, სადაც წარმოდგენილი ნამუშევრებია გადაღებული.

      ბევრი რომ არ გავაგრძელო, თავად დაათვალიერეთ ეს საოცარი ფოტოები - მართლაც ტაში, ოვაცია და ბრავო ავტორს. პოსტში განთავსებული თითოეული ფოტო გამოქვეყნებულია სხვადასხვა ჟურნალ-გაზეთებში, მიღებული აქვთ ჯილდოები და ა.შ.

მსოფლიო სახეებში, ალექსანდრე ხიმუშინი ციმბირის ფოტოებით