მახსოვს, ჩემს ბავშვობაში ტატუ იყო მწვანე და ისიც მხოლოდ რამდენიმე ადამიანის თითებზე ან მკლავზე. განსაკუთრებით პოპულარული იყო ციხეეებში, პატიმრებში. ბეშის მნიშვნელობაც კი ვიცოდი (ნარდის მოყვარულებს უნახავთ ალბათ კამათელზე). ოღონდ იმათ „სვირინგები“ ან „ნაკოლკები“ ერქვათ, ცხადია, „ქართულად“. მაგრამ დიდი ხანია, რაც ტატუირება მოსიარულე ხელოვნების ნიმუშებს წარმოადგენს. დღეს მინდა ერთი უკრაინელი ტატუს ხელოვანი გაგაცნოთ. მისი სახელია: ოშინ ტიმოშინი (Oshin Timoshin) და მისი ასაკის მიუხედავად (სულ რაღაც 23 წლისაა), მრავალი ადამიანის ტანი აქვს მოატული და ისე საოცრად, ვერც კი წარმოდგენთ. ქვემოთ ხატვის ვიდეოსაც გაჩვენებთ, იქამდე კი ფოტოებით ისიამოვნეთ: