სიდნეის ყოველწლიური ფესტივა „ნათელი სიდნეი“ (Vivid Sydney) წელს განსაკუთრებულად მასშტაბური ღონისძიებებით და წარმოდგენებით მიმდინარეობს. მაშინ, როდესაც თბილისში, რუსთაველის გამზირზე შეკრებილნი, სხვადასხვა თეატრლური დადგმის, მუსიკის და სპორტული თამაშების ცქერით ირთობდნენ თავს და დამოუკიდებლობის დღეს აღნიშნავდა (იხილეთ: 26 მაისის ალბომი), მოწყვეტილ კონტიტნენტზე „სინათლის ფესტივალისთვის“ ემზდებოდნენ. 26 მაისიდან, 17 ივნისამდე, 23 დღის განმავლობაში, ავსტრალიის ყველაზე ცნობილ ქალაქში გაიართება „სიდნეის ნათლის“ ფესტივალი.

      ესაა განათებების, დეკორაციების, ლაზერული შოუების, ანიმაციების და კლუბური მუსიკის ფესტივალი ღია ცის ქვეშ, მთელს ქალაქში. ან უფრო სწორი იქნებოდა, თუ ვიტყოდი - მთელს ქალაქზე. წლევნდელი ინსპირაციის თემა წყალქვეშა სამყარო და მზის ჩასვლის თემატიკებია.

      თუკი 2009 წელს, როდესაც ფესტივალი პირველად ჩატარდა, ანუ დაარსდა, მონაწილეობას სულ რამდენიმე ადამიანი ღებულობდა (თითები ეყობა დასათვლელად, ავტორები იყვნენ: Mary-Anne Kyriakou და Brian Eno), წელს უკვე 90-ზე მეტი ხელოვანის ნამუშევარი წარდგება „სიდნეი ლენდის“ მაცხოვრებლების და ტურისტების წინაშე. შარშან ამ შოუსთვის, 2 მლნ ტურისტი ჩავიდა სიდნეიში, წელს უფრო მეტს პროგნოზირებენ. 400-ზე მეტი მუსიკალური სანახაობა ელით წინ სიდნეის დამთვალიერებელებს.

      და სპეციალურად ბოლოსთვის შემოვიტოვე სიდნეის თეატრის შენობა, რომელიც მთავარი ფიგურაა როგორც ქალაქის არქიტექტურის თვალსაზრისით, ასევე სინათლის ფესტივალისთვის, რადგან ყველაზე მნიშვნელოვანი და მასშტაბური ჩვენებები, სწორედ თეატრის შენობაზე იმართება.