ვიქტორიანული ეპოქის ინგლისის ხელოვნება და კულტურა, განსაკუთრებით ფერწერა, მხოლოდ კედლებსა და ნახატებზე არ დარჩენილა. ჯერ კიდევ მეცხრამეტე საუკუნის ბოლოდან, ამ ნახატებმა ადამიანის სხეულზე გადმოინაცვლეს და თუ დღეს, ვინმე ამაყოფს დიდი და შთამბეჭდავი ტატუირებით, ვიქტორიანული ეპოქის ინგლისელს, ამით საუკუნის წინაც ვერ გააკვირვებდით.

      ფრესკებში მოზღვავებული სიყვარული, მრგვალი ფიგურები თუ პეიზაჟები, ანდა სიკეთისა და ბოროტების ჭიდილის დაუსრულებელი ეპიზოდები, სამეფო ატრიბუტიკა, ფლორა-ფაუნა და მათ შორის ისეთც, რეალურად რომ არ არსებობენდნენ და ლიტერატურულ ფენტეზზ წარმოადგენდნენ - ესაა მცირე ჩამონათვალი იმ ნამუშევრებისა, რომელიც ადამიანების სხეულზე გადაჰქონდა ერთ-ერთ პირველ ტატუ არტისტს - საზერლენდ მაკდონალდს (Sutherland Macdonald).

      დღემდე, საზერლენდ მაკდონალდი ითვლება მსოფლიოში ტატუირების ერთ-ერთ ყველაზე დიდ ოსტატად და რაც მთავარია, შეგვიძია მას თამამად ვუწოდოთ ამ საქმის პიონერი - ჯერ კიდევ 1880-იან წლებში, საზერლენდი, ბრიტანეთის არმიის ჯარისკაცებს „ხატავდა“, სწორედ ვიქტორიანულ სტილში. მისი ნამშევრები, ვინტაჟის შედევრებია.

      თავდაპირველად ჩვეულებრივი, იქამდე საზოგადოდ გამოყენებული ტატუირების ნემსით ხატავდა, დილენატივით, მოგვიანებით კი 1894 წელს საქმეს პროფესიონალურად მოჰკიდა ხელი და უკვე ტატუირების ელექტრო მანქანის პატენტიც მიიღო, 1897 წელს, მის შესახებ უკვე Strand Magazine წერდა სტატიებს.

      ამის შემდეგ, საზერლენდმა პირველი მაღაზია გახსნა ალდერშოტში (ინგლისი), შემდეგ კი ლონდონში გადასახლდა ჟერმინ სტრიტზე (ვიცი რომ სტრიტი ქართულად ქუჩაა, უბრალოდ ინგლისურ ქუჩებს ასე უფრო უხდება - Jermyn Street).

      ტატუირების მამა - ეს წოდება საზერლენდმა დაიმსახურა. ის, 1937 წელს გარდაიცვალა.

      იხილეთ, მისი ნამუშევრების კოლექცია, ინგლისის ეროვნული არქივიდან:

საზერლენდ მაკდონალდის ტატუირება