სეტყვამ ერთი თვალის გადავლებით გადაუარა აღმოსავლეთ საქართველოს და მეტ-ნაკლები სიძლიერით გაიმეტა ზოგიერთი ქალაქი თუ სოფელი. მაგრამ დღის მთავარ თემებში სეტყვა ძალიან მცირედით მოხვდა, მთავარი ამბავი იყო გარეჯის აქცია, ჭიათურის გამოსვლები და მასზე ფიდბექი და ასევე სააკაშვილისთვის დაბრუნებული უკრაინელობა.

საქართველოს და მსოფლიოს ამბები / 28 მაისი, 2019/

      გარეჯის ხმაური - დავით გარეჯში სასულიერო პირებისა და საზოგადოებრივი ჯგუფების აქცია - „გარეჯი საქართველოა და კავკასია ჩვენი სახლია" გაიმართა. აშშ-ის ელჩის მოვალეობის შემსრულებელი დავით გარეჯზე - ორმხრივი კომისია მუშაობს და ვიმედოვნებთ, რომ კარგი შედეგები იქნება. მიხეილ სააკაშვილი - მზად ვარ, დავით გარეჯის საკითხზე ვიყო ჩვეულებრივი შუამავალი - მზად ვარ, აზერბაიჯანთან მოლაპარაკებების პროცესში ჩავერთო. ლევან დავითაშვილი - ორ მოძმე ერს შეუძლია მოილაპარაკოს ისეთ მნიშვნელოვან და მგრძნობიარე საკითხზე, როგორიც დავით გარეჯია. თეიმურაზ კუპატაძე - დავით გარეჯში არ ველოდებით არანაირ პროვოკაციას - ჩვენი ინფორმაციით, აზერბაიჯანული მხარე არ გეგმავს არანაირ მსვლელობას და აქციას. მეუფე ეფრემი - დავით გარეჯი, ყველა მიწიერი თუ სულიერი კანონით, საქართველოს განუყოფელი ნაწილია და ეს გადახედვას არ ექვემდებარება. ირაკლი კობახიძე დავით გარეჯის შესახებ სააკაშვილის განცხადებაზე - 9 წელი ჰქონდა მას ამ პრობლემის მოსაგვარებლად, თუმცა როგორ მოაგვარა, ძალიან კარგად ხედავთ. ირაკლი კობახიძე - ჩვენ საქმე გვაქვს მეგობარ სახელმწიფოსთან, აზერბაიჯანთან და არსებობს ყველა რესურსი, რომ აბსოლუტურად სწორად გადაწყდეს დავით გარეჯის საკითხი. დიმიტრი ცქიტიშვილი დავით გარეჯზე - როდესაც მოსალოდნელია პროვოკაციები, ყოველთვის იქნება მესამე ძალა, რომელსაც შუღლის გაღვივების სურვილი ექნება. აქცია-მსვლელობა „გარეჯი საქართველოა ჩვენ კავკასიის შვილები ვართ“ აღდგომის ტაძართან დასრულდა. კობა ნარჩემაშვილი პარლამენტს დავით გარეჯის საკითხზე სპეციალური განცხადების მიღებისკენ მოუწოდებს. სერგი კაპანაძე დავით გარეჯზე - ხშირად ვაი პატრიოტული ქმედებები და განცხადებები შეიძლება სიტუაციის კიდევ უფრო გართულების გამომწვევი იყოს. ეკა ბესელიას განცხადებით, დავით-გარეჯის საკითხზე შექმნილი კომისიის მანდატი პარლამენტმა უნდა განსაზღვროს. ზვიად კვაჭანტირაძე - აუცილებელია, მოვიწვიოთ დელიმიტაციის კომისიის ქართული მხარე პარლამენტში და მოვისმინოთ, რა მანდატით მოქმედებენ და რა ამოცანებს ისახავენ მიზნად. ემზარ კვიციანი დავით გარეჯზე - მინდა, ვიკითხო, ვინ არის ჩვენი ქვეყნის უსაფრთხოებაზე პასუხისმგებელი და რატომ არ იღებს ხმას სუს-ი. გიგა ბოკერია - ყველა, ვინც ერთ რანგში მოიხსენიებს რუსულ ოკუპაციას და აგრესიას და ამავე დროს აზერბაიჯანს, პირდაპირ მტრობს ჩვენ ქვეყანას. სალომე სამადაშვილი - დავით გარეჯში უხილავი რუსული დროშა ფრიალებს, იმიტომ, რომ ყველგან, სადაც საქართველო-აზერბაიჯანს შორის პრობლემა იქმნება, იქ რუსული დროშა ფრიალებს. დავით ჭიჭინაძე დავით გარეჯზე - პრეზიდენტის გაუაზრებელმა თუ განზრახ ნასროლმა ფრაზებმა არსებულ რეალობამდე მიგვიყვანა. გიგი წერეთელი - დავით გარეჯის საკითხის გადაწყვეტას სჭირდება სახელმწიფოებრივი მიდგომა და არა მხოლოდ ემოციური მუხტი. პრეზიდენტი საქართველო-აზერბაიჯანის ურთიერთობაზე - პოლიტიკური მანიპულაციები, რომელიც ავნებს ორივე ქვეყანას და კავკასიაში სტაბილურობას, არავის სჭირდება.

      თბილისის ანონსები - მაია ბითაძე - საზოგადოებრივი ტრანსპორტი გაორმაგდება, მოეწყობა შესაბამისი ინფრასტრუქურა, რაც ამ ტრანსპორტის სწრაფ გადაადგილებას უზრუნველყოფს.

      აგროდაზღვევა - ლევან დავითაშვილი აგროდაზღვევაზე - მედია უნდა მოგვეხმაროთ, მეტი პოპულარიზაციაა საჭირო - ადამიანების ჩართულობა არის ერთადერთი გამოწვევა და მეტი არაფერი.

      საპენსიო განხილვები - აკაკი ზოიძე - მნიშვნელოვანია, რომ ახალგაზრდები ერთვებიან საპენსიო რეფორმის განხილვაში.

      დავა რუსთავი ორთან - ადვოკატი - საფინანსო კომპანია „საქართველო" და კომპანიის გაკოტრების შედეგად დაზარალებული ადამიანები „რუსთავი 2-ს" 70 მილიონ ლარს ედავებიან.

      ჭიათურის ამბავი - ჭიათურის მაჟორიტარი - სხვადასხვა პოლიტიკური ჯგუფის მხრიდან მცდელობა იყო, რომ პროცესი გამხდარიყო უმართავი, პოლიტიკურად ანგაჟირებული. ირაკლი კობახიძე - ჭიათურის შემთხვევამ აჩვენა, რომ შრომითი საკითხების სერიოზული გაუმჯობესების შესაძლებლობაა. ეკა ბესელია - რომ არა ბავშვების ქუჩაში გამოსვლა, ალბათ, კიდევ ბევრი დღე დასჭირდებოდათ მაღაროელებს, რომ მათი მოთხოვნა დაკმაყოფილებულიყო. სერგი კაპანაძე საპარლამენტო უმრავლესობას - თქვენ გგონიათ ჭიათურაში პრობლემები მოაგვარეთ? „ჯორჯიან მანგანეზი“ დასაქმებულთათვის ხელფასების დაკლებასთან დაკავშირებით გავრცელებულ ინფორმაციას უარყოფს.

      შეწყვეტილი ლექტორობა - ბათუმის უნივერსიტეტმა ლექტორს, რომელსაც სტუდენტი სექსუალურ შევიწროებაში ადანაშაულებს, ხელშეკრულება შეუწყვიტა.

საზღვარგარეთულები:

      ომი დონბასში - დონბასში ცეცხლის შეწყვეტის რეჟიმი კვლავ დაირღვა.

      ხანძარი კანადაში - კანადაში ტყის ხანძრის ჩაქრობაში 600-მდე მეხანძრე და 28 ვერტმფრენი მონაწილეობდა.

      დაბრუნებული მოქალაქეობა - ვლადიმერ ზელენსკიმ მიხეილ სააკაშვილს უკრაინის მოქალაქეობა დაუბრუნა. გია ვოლსკი სააკაშვილისთვის უკრაინის მოქალაქეობის დაბრუნებაზე - ვლადიმერ ზელენსკისთან ურთიერთობა არის გაცილებით უფრო პრიორიტეტული, ვიდრე მისი გადაწყვეტილებების შეფასება. ლევან კობერიძე სააკაშვილისთვის უკრაინის მოქალაქეობის დაბრუნებაზე - ვლადიმერ ზელენსკის მოუწევს შესაბამისი პოლიტიკური ფასის გადახდა. მიხეილ სააკაშვილი - ხვალ კიევში ჩავფრინდები და დავეხმარები ახალ პრეზიდენტ ზელენსკის და უკრაინელ ხალხს. ვიტალი ბალა - თუ ზელენსკი არ გადადგამს იმ ნაბიჯებს, რომლებსაც მისგან მოსახლეობა ელოდება, მაშინ სააკაშვილს შეუძლია სათავეში ჩაუდგეს ზელენსკის მმართველობით უკმაყოფილო ადამიანებს. ვიტალი ბალა - უკრაინაში სააკაშვილის რომელიმე თანამდებობაზე დანიშვნა არასწორი იქნებოდა, თუმცა ამას არ გამოვრიცხავ. ვალერი ჩეჩელაშვილი - არ გამოვრიცხავ, რომ სააკაშვილის პოლიტიკური ძალა მონაწილეობას მიიღებს რადას არჩევნებში და პარლამენტში მოხვედრის შემთხვევაში, კოალიციას შექმნის ზელენსკის პარტიასთან. გრიგოლ ვაშაძე - მიხეილ სააკაშვილი უკრაინის მოქალაქეა და ძალიან ცოტა დრო დარჩა იმ მომენტამდე, როდესაც მას დაუბრუნდება საქართველოს მოქალაქეობა. უკრაინის გენპროკურორი - მიხეილ სააკაშვილი მოღალატეა.