შემწვარი წიწილის უამრავი რეცეპტი არსებობს, თუმცა ისვრიმის საწებლით ის განსაკუთრებით გემრიელია ექსკლუზიურად, Qwellynaria გთავაზობთ შემწვარ წიწილას ისვრიმის საწებლით.

შემადგენლობა:

• წიწილა - 300გ
• მკვახე ყურძენი - 100გ
• არაჟანი - 10გ
• კარაქი - 10გ
• მარილი - 5გ
• ქინძი - რამოდენიმე ღერი
• მწვანე ხახვი - 2-3ც

მომზადება:

კარგად გასუფთავებული წიწილა, შეკერეთ ხეზით ან მუცლის ღრუში ჩაუწყვეთ ფეხები;

გაჭერით მკერდზე, გაასწორეთ ტაბაკად;

მოაყარეთ მარილი, წაუსვით არაჟანი, წამოაგეთ შამფურზე და შეწვით;

შეწვისას დროგამოშვებით წაუსვით გამდნარი კარაქი;

სანამ წიწილა შეიწვება დანაყეთ გასუფთავებული მკვახე ყურძენი (ისრიმი);

დანაყული ყურძენი გაწურეთ სუფთა ტილოში, მოათავსეთ ღრმა ჭურჭელში და შეაზავეთ დაკეპილი ახალი ქინძით, ტარხუნით მწვანე ხახვით და მარილით;

როდესაც წიწილა მზად იქნება, დაჭერით სახსრებზე ათ ნაჭრად, ჩააწყვეთ ულუფის ღრმა ჭურჭელში;

ზემოდან მოასხით ისრიმის საწებელი;

სუფრაზე მიიტანეთ თბილი.

ხეზი - კულინარიული ძაფი, კანაფი