ხინკლისა და ხაჭაპურის მოყვარულ და ერთგულ ქართველებს ერთ დროს ბრინჯიც ძალიან ჰყვარებიათ...

ძველ კულინარიულ წიგნებს თუ გადაავლებთ თვალს არაერთ რეცეპტს გადააწყდებით

ამჯერად ქველინარია გთავაზობთ ბრინჯის კატლეტის რეცეპტს შოკოლადის საწებლით

შემადგენლობა:

1. ბრინჯი - 1 1/2 ჭიქა
2. ნაღები ან რძე - 1 ბოთლი
3. შაქარი - 1 ს/კ
4. ვანილი
5. კარაქი - 90 გრამი
6. კვერცხი - 2 ან 3 ცალი
7. სუხარი - 5 ნაჭერი
8. ერბო - 200 გრამი

შოკოლადისთვის:

1. კვერცხის გული - 2 ცალი
2. შაქარი - 2 ჩ/კ
3. რძე - 2 ჭიქა
4. შოკოლადი - ნახევარი ფილა

მომზადება:

• ბრინჯი, გარეცხეთ დაასხით წყალი და წამოადუღეთ ერთხელ
• შემდეგ გადაწურეთ, გადაავლეთ ცივი წყალი და ჩაყარეთ ისევ ქვაბში, დაასხით რძე ან ნაღები, დაამატეთ კარაქი, შაქარი, ვანილი და მოხარშეთ.
• მზა ბრინჯს უყავით 2 კვერცხი, კარგად აურიეთ და გააკეთეთ კატლეტები, ამოავლეთ კვერცხში და სუხარში და შეწვით ერბოში.
• როდესაც შეწითლდება ამოიღეთ ქაფქირით, მოათავსეთ საწურზე
• მზა კატლეტი ამოავლეთ გახეხილ შოკოლადში, დაალაგეთ თეფშზე და ზემოდან მოასხით შოკოლადის საწებელი.

შოკოლადის საწებელი:

2 ჩ/კ შაქრისა და 2 კვერცხისგან გააკეთეთ გოგლი-მოგლი, დაამატეთ 2 კოვზი გახეხილი შოკოლადი, ამ მასას დაასხით 2 ჭიქა ადუღებული და გაგრილებული რძე, დადგით ცეცხლზე და ურიეთ სანამ არ გასქელდება, არ აადუღოთ.