სახელწოდებიდან გამომდინარე ალბათ ყველა ფიქრობს, რომ საქონლის ხორცით უნდა მზადდებოდეს ეს კერძი (Beef Stroganoff), მაგრამ მოგეხსენებათ, მარხვაში საქონლის ხორცი არარეკომენდირებულია ქრისტიანთათვის და მმარხველი საზოგადოება ყოველთვის პოულობს გამოსავალს. ამჯერადაც, ხორცი ბადრიჯანმა ჩაანაცვლა, ხოლო სხვა დანარჩენი (არომატი, გემო, ნოყიერება) უცვლელი დარჩა. თუმცა ეს რა გასაკვირია, ქველინარია ხომ სასწაულებს ახდენს კულინარიაში

შემადგენლობა:

• ბადრიჯანი - 2 კგ.
• ხახვი - 4 თავი
• ნიორი - 3-4 კბილი
• სამარხვო მაიონეზი - 200 გრ.
• ზეთი - 100-150 გრ.
• მარილი - გემოვნებით

მომზადება

      ბადრიჯანი გათალეთ და დაჭერით კუბიკებად. მოაყარეთ მარილი, გააჩერეთ 30 წუთი, გაწურეთ და შეწვით ზეთში. ამოიღეთ შემწვარი ბადრიჯანი და დარჩენილ ზეთში (შეგიძლიათ დაუმატოთ) ჩაყარეთ წვრილად დაჭრილი ხახვი და მოშუშეთ. ბადრიჯანი და ხახვი შეურიეთ ერთმანეთს.

      როცა გაცივდება, მოასხით ნივრით შეზავებული სამარხვო მაიონეზი. შეაზავეთ მარილით, კარგად აურიეთ და შედგით მაცივარში.

გემრიელად მიირთვით!