ტოლმის აუარება რეცეპტი რომ არსებობს ქართულ თუ არაქართულ კულინარიაში ფაქტია.

თუმცა მზარეულის ფანტაზიას რა გამოლევს და ვიღაცას ახალი ტოლმის იდეაც მოსვლია თავში.

ფუსფუსა და გემრიელი კერძების მოყვარულ დიასახლისებს ქველინარია გთავაზობთ პომიდვრის ტოლმას ქამა სოკოს შიგთავსით!

1. პომიდორი - 250 გრ.
2. ქამა სოკო - 150 გრ.
3. კარაქი - 30 გრ.
4. ხახვი - 50 გრ.
5. მწვანილი - 10 გრ.
6. რძის ნაღები - 50 გრ.
7. მარილი - 4 გრ.
8. შავი პილპილი - 0.1 გრ
9. სულგუნი 20 გრ

მომზადება:

• შეარჩიეთ თანაბარი ზომის, წითელი მთელი პომიდვრები, ამოჭერით ყუნწის მხრიდან და დააწყვეთ თავქვე რომ დაიწუროს.
• ამავე დროს კარაქში მოშუშეთ დაკეპილი ხახვი, ჩაუმატეთ დაკეპილი და გაწურული ახალი ქამა სოკო, ცოტა ხანს კიდევ შუშეთ და შემდეგ დაამატეთ კამა, ოხრახუში და ქინძი. მოაყარეთ მარილი და პილპილი
• ცალკე კარაქში მოშუშეთ ხორბლის ფქვილი, დაამატეთ სოკოს და კარგად აურიეთ.
• მიღებული ნარევი გადაანაწილეთ წინასწარ გამზადებულ პომიდორში, დაალაგეთ საცხობზე, ზემოდან მოაყარეთ გახეხილი სულგუნი და შედგით ქურაში გამოსაცხობად.
• როდესაც ზემოდან შეწითლდება, ისე რომ პომიდორი მთელი იქნება გამოიღეთ და გადაიტანეთ სხვა ჭურჭელში, ზემოდან მოასხით ნაღები და მოაყარეთ დაჭრილი კამა