ჩანს ცხელი ზაფხული იქნება. თუ ფრენებმა ხელი შეგვიწყო იქნებ ჰავაიზეც ამოვყოთ თავი?! იქ ჩასულებს კი ადგილობრივი პიცა რომ არ გაგვიკვირდეს, ჯობს, წასვლამდე თბილისშივე დააგემოვნოთ ქველინარიის სუპერჰავაური რეცეპტით.

შემადგენლობა:

• ყველი – 300 გრ.
• ძეხვი - 200 გრ.
• ანანასი - 1 ცალი
• მწვანე ბულგარული წიწაკა - 1 ცალი

ცომისთვის:

• ფქვილი - 350 გრ.
• საფუარი - 2 ჩ.კ.
• წყალი - 200 მლ.
• ზეითუნის ზეთი - 3 ს.კ.
• მარილი - 1 მწიკვი
• შაქარი - 1 მწიკვი

მომზადება:

      გაცერით ფქვილი, დაამატეთ საფუარი, შაქარი და მარილი. ჩაასხით წყალი, დაამატეთ ზეითუნის ზეთი და კარგად მოზილეთ. მოათავსეთ ცომი ჯამში, გადააფარეთ თბილი ქსოვილი და დატოვეთ 1 საათით. როდესაც ცომი ამოვა, კიდევ ერთხელ კარგად მოზილეთ 2-3 წუთის განმავლობაში.

      გააბრტყელეთ ცომი წრის ფორმაზე, მოაყარეთ ყველი, დააწყეთ კუბებად დაჭრილი ანანასი, ძეხვი, სიგრძეზე დაჭრილი ბულგარული წიწაკა და მოათავსეთ ღუმელში გამოსაცხობად.