Qwelly

Machu Picchu

წარსულის თვალიერებისას, შეუძლებელია თვალში არ მოგხვდეს ეს შესანიშნავი ადგილი...

მაჩუ-პიქჩუ

ინკების კოლუმბამდელი, XV საუკუნის ძეგლი პერუში, კუსკოს რეგიონში, ზღვის დონიდან 2 430 მეტრ სიმაღლეზე. გაშენებულია მდინარე ურუბამბის ხეობის თავზე, მთაგრეხილზე, რომელიც ქალაქ კუსკოდან 80 კილომეტრით ჩრდილო-დასავლეთით მდებარეობს. არქეოლოგთა უმრავლესობა დარწმუნებულია, რომ მაჩუ-პიქჩუ აშენდა როგორც ინკების იმპერატორ პაჩაკუტის (1438–1472) მამული. მას ხშირად მოიხსენიებენ „ინკების ქალაქის“ სახელით. მთელ მსოფლიოში, ინკების სამყარო ბევრისთვის სწორედ მაჩუ-პიქჩუს პორტრეტთან ასოცირდება.

მისი მშენებლობა ინკებმა დაახლოებით 1400 წელს დაიწყეს, ერთი საუკუნის შემდეგ კი, როგორც უკვე ინკების იმპერატორის ოფიციალური რეზიდენცია, ესპანელი კონკისტადორების გამოჩენის დროს მიატოვეს. მიუხედავად იმისა, რომ მის შესახებ ადგილობრივთათვის ცნობილი იყო, დანარჩენმა სამყარომ მასზე 1911 წლამდე არაფერი იცოდა, სანამ ის საერთაშორისო ყურადღების ცენტრში ამერიკელმა ისტორიკოსმა, იელის უნივერსიტეტის პროფესორმა ჰირამ ბინგემმა არ მოაქცია. ამის შემდეგ, მაჩუ-პიქჩუ მნიშვნელოვანი ტურისტული ღირსშესანიშნაობა გახდა.

მაჩუ-პიქჩუ ინკების კლასიკურ სტილშია ნაგები, ნატიფი ქვის კედლებით. მისი სამი ძირითადი სტრუქტურაა: ინტიჰუატანა (მზის დასაბმელი სვეტი), მზის ტაძარი და სამფანჯრიანი ოთახი. სამივე მათგანი განლაგებულია ტერიტორიაზე, რომელსაც არქეოლოგები მაჩუ-პიქჩუს წმინდა რაიონს უწოდებენ.

მაჩუ-პიქჩუს ნანგრევები კედლის საშუალებით ორ მთავარ ნაწილადაა გაყოფილი: ურბანულ და აგრარულ სექტორებად. გარდა ამისა, აგრარული სექტორი თავის მხრივ, დაყოფილია ზემო და ქვემო ნაწილებად, ურბანული სექტორი კი ფართო მოედნების საშუალებით აღმოსავლეთ და დასავლეთ ნაწილებად.

მაჩუ-პიქჩუს ცენტრალური შენობები ინკების კლასიკურ არქიტექტურულ სტილშია გადაწყვეტილი, რომლისთვისაც დამახასიათებელია ნატიფი მშრალი ქვის სწორი კედლები. ინკები ამ ტექნიკის ნამდვილი ოსტატები იყვნენ; ქვები ისეა ამოჭრილი, რომ ერთმანეთს მჭიდროდ ეკვრის, ყოველგვარი კირხსნარის გარეშე. ქალაქის ცენტრალურ ნაწილში მრავალი გზაჯვარედინი იმდენად სრულყოფილია, რომ მის ქვებს შორის ბალახიც კი არასდროს ამოსულა.

ღრუბლებში

ჩემი ფავორიტი:

ტეგები: Qwelly, ამერიკა, დედამიწა, მაჩუ-პიქჩუ, ჩილე

მომწონს

20 წევრს მოსწონს ეს

ნახვა: 2127

გამოხმაურებები!

Permalink ლაშა ივნისი 22, 2013 | 8:57pm:

მინდა მონახულება :( ძალიან მინდა!

Permalink მარიამი ❀ ივნისი 22, 2013 | 9:05pm:

mec...chemm ert ert gegmashi shedis es adgili <3
LsHისა_მ თქვა:

მინდა მონახულება :( ძალიან მინდა!

Permalink მარიამი ❀ ივნისი 22, 2013 | 9:05pm:

edit mogiswria :D
LsHისა_მ თქვა:

მინდა მონახულება :( ძალიან მინდა!

Permalink ლაშა ივნისი 22, 2013 | 9:11pm:

და მაგ გეგმაში მეგობრების გაყოლება არ შედის? :D :D :D

მარიამ ჩეკურიშვილი_მ თქვა:

mec...chemm ert ert gegmashi shedis es adgili <3
LsHისა_მ თქვა:

მინდა მონახულება :( ძალიან მინდა!

Permalink მარიამი ❀ ივნისი 22, 2013 | 9:15pm:

ratqmaunda lasshhh :*

LsHისა_მ თქვა:

და მაგ გეგმაში მეგობრების გაყოლება არ შედის? :D :D :D

მარიამ ჩეკურიშვილი_მ თქვა:

mec...chemm ert ert gegmashi shedis es adgili <3
LsHისა_მ თქვა:

მინდა მონახულება :( ძალიან მინდა!