ალბათ თქვენთვის ნაცნობია ფილმი "Soul Surfer" , რომელსაც საფუძვლად რეალური ისტორია უდევს. ფილმი მოგვითხრობს სერფინგისტ Bethany Hamilton-ის ცხოვრების შესახებ, რომელიც 2003 წლის 31 ოქტომბერს ზვიგენის თავდასხმის მსხვერპლი გახდა. 13 წლის გოგონას მარცხენა ხელის ამპუტაცია გაუკეთეს. მიუხედავად ამისა, მან შეძლო თავისი ტრაგედიის გადატანა და ცხოვრება ძველებურად განაგრძო. ის არის ადამიანი, რომელიც სხვებისთვის ყოველთვის სამაგალითო იქნება, რადგან მიუხედავად ფიზიკური ნაკლისა საკუთარ ოცნებაზე უარი არ თქვა და დღემდე განაგრძობს საყვარელი საქმის კეთებას.

ასეთი ტრაგედია გოგონასთვის დაბრკოლება სულაც არ ყოფილა.. ის ბედნიერია, რადგან იპოვნა მეორე ნახევარი..ადამიანი, რომელმაც დაინახა მისი შინაგანი სამყარო. 

ჰამილტონი 10 წლის შემდეგ...

23 წლის პროფესიონალი სერფერი გეგმავს რომ იქორწინოს 25 წლის Adam Dirks-ზე. გოგონა ამბობს:
,,2012 წლის ზაფხულში შევხვდი ყველაზე გასაოცარ ადამიანს, ვინც კი ოდესმე მინახავს ჩემს ცხოვრებაში. პირველი რაც გავაკეთეთ ეს იყო კლდიდან გადმოხტომა და მაშინ რომ გენახეთ დაინახავდით რომ ეს იყო სიყვარული პირველივე დანახვისას.რაც უფრო მეტ დროს ვატარებდი მასთან ერთად, მით უფრო მეტად მომწონდა ადამი.ის არის გულწრფელი,კეთილი,მხიარული,თავგადასავლების მოყვარული.მასთან ურთიერთობა ძალიან ადვილია. ყველასადმი მეგობრულად განწყობილია, ის უბრალოდ საოცარი ადამიანია." "2013 წლის 9 აპრილს ადამმა ხელი მთხოვა და მეც დავთანხმდი. ვიცი რომ მე და ადამი ერთმანეთისთვის შესაფერისები ვართ და უფალმა ერთმანეთისთვის შეგვქმნა,არც ერთი ჩვენგანი არ არის იდეალური,სრულყოფილი, მაგრამ ჩემთვის ადამი შესანიშნავია და მე ძალიან ბედნიერი ვარ რომ ვიპოვნე ის ადამიანი, ვისთან ერთადაც შემიძლია გავიზიარო ყოველი ბედნიერი წუთი."  იმედის ქონა ძალიან მნიშვნელოვანია ჰემილტონისა და ადამისთვის. 2003 წლის თავდასხმის შემდეგ გოგონა ბევრი ადამიანისთვის შთაგონების წყარო გახდა.. სწორედ ამიტომ მან გადაწყვიტა, რომ საკუთარი ისტორია მოეთხრო მსოფლიოსთვის საკუთარი წიგნის "Soul Surfer"-ის დახმარებით. წიგნი იმდენად პოპულარული იყო რომ გადაწყვიტეს მასზე ფილმის გადაღებაც. 

,,როდესაც რთული მომენტი გვიდგება აუცილებელია რომ მივენდოთ უფალს. ვიყოთ მასთან ახლოს და გავძლიერდეთ."

,,ადამ, შენს გამო მე ყოველ დღე გავიზრდები და ვისწავლი სიყვარულს, რომლის გაზიარებისაც ასე მეშინო და."