მამაკაცის სამოსის ტერმინოლოგია

ეს იმ სიტყვების ჩამონათვალია, რომელიც მამაკაცის გარდერობს ახასიათებს. რა თქმა უნდა კაცებს კაცურობას სწორედ მათი არადეტალებში ჩაღრმავების უნარი მატებთ, მაგრამ არც თუ ისე ჭკვიანურია ბერმუდებს და პანამას ტანსაცმლის მაღაზიაშიც კი თუ გეოგრაფიულ სახელებად მიიჩნევენ...

რა თქმა უნდა ჩვენ მუდამ მზად ვართ დახმარების ხელი გავუწოდოთ მათ და დავმოძღვროთ, რომ შარვალს რომელსაც ახასიათებენ როგორც "ბევრ ჯიბეებიან აი იმ შარვალს მონადირეებს რომ აცვიათ ხოლმე" კარგო შარვალი ქვია. თუმცა უკეთესი იქნება თავადაც ფლობდნენ მცირეოდ ანა-ბანას. რა თქმა უნდა აქ არ ვისაუბრებთ ისეთ მარტივ სიტყვებზე, როგორიცაა მაისური, პერანგი, კურტკა, ბოტასები...

შარვლის ტიპები:

◆ ბერმუდები - გაზაფხულის სეზონის გრძელი შორტები - მუხლებამდე.
◇ ბრიჯი - შარვალი დამოკლებული - კოჭამდე ტოტებით, ბერმუდებზე გრძელი.
◇ სკინი ჯინსები - ვიწრო ჯინსებია. სკინი ჯინსების მახასიათებელს წარმოადგენს
ის, რომ პირველად ჩაზომებისას მცირედად რთულია კოჭის ჯინსის ტოტებში ჩატევა. ეს
არ ნიშნავს, რომ რამოდენიმე ზომით მეტი ჯინსი გესაჭიროებათ. უბრალოდ "ჩატენეთ" ტერფი! :)

◇ ხაკის ეძახიან ჩინო შარვლებს, რომლებიც ბრიტანელი სამხედროების სტილშია
ღია ხაკისფერ და კრემისფერ ფერებში გადაწყვეტილი, სწორტოტებიანია ყოველნაირი დეკორის
(ნაკერების, დამატებითი ჯიბეების გარეშე), აქვს მკაცრი-ოფიციალური დგომა.
◇ ჩინო შარვლები კი ხაკისგან განსხვავებით ნაკლებად ოფიციალური და მოშვებული შეიძლება იყოს.

◆ კარგო შარვლებს კი მეტი ჯიბეები, მუხლებთან ნაკერები და უხეში ქამარი
აქვს. პრაქტიკულობის გამო კარგოს ხშირად მონადირეები და მუშა საზოგადოებათა წევრები იცვამენ.


bermuda / khakis / Cino / cargo

ზედატანები:

◇ ბლეიზერი - სპორტული ტიპის ან კოლეჯის პიჯაკი ემბლემით მკერდთან საღილეზე.
◆ პოლო - სპორტული მაისური პატარა საყელოთი და მკერდთან სამიოდე რიგი ღილით,
ხშირად ლოგოტიპით. პოლო მაისურებად დახვეწილი სტილის სპორტულ მაისურებს მოიხსენიებენ,
როგორც პოლოს, გოლფის და ჩოგბურთის მოთამაშეებს აცვიათ.


Blazer / Polo

◇ ჯემპრი (UK), სვიტერი (US), პულოვერი - ზედატანი მრგვალი ან სამკუთხედი
ჭრილის საყელოთი, გრძელი სახელურებით. ამ სამი ერთი ტიპის სიტყვის განმარტება მეტად არ არის
საჭირო. უბრალოდ ნაქსოვი ან ბამბის ზედატანი.
◇ როლინგი - სვიტერი მაღალი საყელოთი.

◇ უტილიტარული პერანგი, მრავალფუნქციური პერანგი შემოკეცილი სამკლავურებით და მრავალი ჯიბით.

◆ კარდიგანი - ასე მოიხსენიებენ 'ჟაკეტებს', თუმცა დღეს ჟაკეტი ქალის გარდერობის ნაწილს წარმოადგენს,
მამაკაცის მოსახურს ღილებზე კი კარდიგანი ეწოდება. ნაქსოვ კარდიგანს ეს სახელი მეტად საპატიო პიროვნების
გამო - ჯეიმს ბრუნდელი კარდიგანის მე-7 ლორდის საპატივცემულოდ ეწოდა, რომელიც ინგლისელი გენერალი გახლდათ.



Pullover/Sweater / Utility Shirt / Cardigan



ოფიციალური სამოსი:

◇ ფრაკი - მამაკაცის გამოსასვლელი კლასიკური ზედატანი, რომელიც წინ გადაჭრილია წელამდე, უკან კი
დატოვებულია გრძელ კუდად, რომელიც ძირითადად მომრგვალებულია ან მერცხალის კუდივით იყოფა.



◇ კლასიკური კოსტუმი - გულისხმობს ერთი მატერიისგან შეკერილი პიჯაკის, ჟილეტის და შარვლის ანსამბლს.
რომელსაც იცვამენ აუცილებლად პერანგთან ერთად და იკეთებს ჰალსტუხს.
კოსტუმის ჩაცმა ოფიციალურ შეხვედრებზეა მიღებული.

ახალგაზრდა მამაკაცებს თავიანთ ბიზნეს შეხვედრებსა თუ წვეულებებზე არ უყვართ მკაცრი კოსტუმით გამოცხადება, ამიტომაც სრულიად ნორმალურად მიიჩნევა თუ კი პერანგზე პულოვერს გადაიცმევთ ჟილეტის მაგივრად და შემდეგ პიჯაკს, ან პერანგის ნაცვლად პოლო მაიურს.


კლასიკური კოსტუმი / თანამედროვე ვერსია

◇ სმოკინგი - (ტუქსედო) გულისხმობს კლასიკურ სტილში გადაწყვეტილ მკაცრი ჭრილის კოსტუმს. სმოკინს
საღამოს წვეულების პიჯაკად მიიჩნევენ. ხშირად მბზინავი საყელოთი თუ ფართო ქამრით შემოტყმული კოსტუმია.
სმოკინგთან იკეთებენ ჰალსტუხს ან პეპელას/ბაფთას.

◆ ტუქსედოს ბრიტანეთში სმოკინგს ეძახიან (და როგორც ბრიტანელ ჯენლტმენს შეესაბამება ჩვენც ვგულისხმობთ
უფრო დახვეწილ სმოკინგს) შესაბამის ანსამბლთან ერთად - მხოლოდ თეთრ პერანგთან და აბსოლუტურად შესაბამის შარვალთან ერთად. ტუქსედო კოსტუმი ნაღებად საზოგადოებაში გამართულ წვეულებებზე შეგიძლიათ ჩაიცვათ, როდესაც ქალბატონები საღამოს კაბებსა და ძვირფასეულობით მოიწონებენ თავს.

ხშირად მოსაწვევებზე შეგხვდებათ დრეს კოდის ველში ფრაზა black tie, ეს ტრადიციული ფორმაა მოიხსენიონ ტუქსედო კოსტუმი მამაკაცებისთვის (აუცილებლად შავი კლასიკური), ქალებმა კი ამ დროს საღამოს კაბები უნდა ატარონ.


სმოკინგი / ტუქსედო

აქსესუარები სმოკინგზე:

ჰალსტუხი ჭრილისა და ბალთის მიხედვით რამოდენიმე სახით შეიძლება იყოს.
კლასიკური ჰალსტუხი ბოლოში განიერდება და შესაკრავი სამკუთხედ ფორმაზე აქვს.
ახალგაზრდები დღეს წვრილ (სწორ) ჰალსტუხს ანიჭებენ უპირატესობას.



◆ Cufflink - ე.წ. "Запонка" ქართულად საკინძია,
აქსესუარი მკლავზე პერანგის ტოტების გასაფორმებლად.
◇ Shirt stud - დეკორატიული საღილეები.

◆ Cummerbund - კამერბანდი პირველად ბრიტანელებმა სამხედროებმა ჩაიცვეს ინდოეთში მსახურობისას
და გააფორმეს პერანგი ჟილეტის ნაცვლად. პერსულ ენაზე კამარ იშიფრება როგორც წელი + ბენდ (შემოსახვევი). მოკლედ, ეს შავი ან ფერადი ნაკეცებიანი წელშემოსახვევია ჟილეტისა და ქამრის ნაცვლად.

◇ Boutonnière - ბუტონერი ყვავილების ბუტონია, რომელსაც წვეულების დროს მარჯვენა მკერდის ჯიბეზე
იმაგრებენ. ასევე შეიძლება გულის ჯიბე დეკორატიული ხელსახოცი ვიხილოთ ორიგინალურად ჩაკეცილი pocket square


Cufflink / Shirt stud / Cummerbund / Boutonnière



სეზონური მოსასახურები:

◇ პალტო - საშუალო სიგრძის დათბილული მოსახური.
◇ პლაში - გრძელი ერთგვაროვანი მოსახური, საწვიმარი.
◆ ტრენჩი - საშუალო სიგრძის მსუბუქი პლაში რამოდენიმე ბორტიანი შესაკრავით
და იმავე მატერიის ქამრით. ტრენჩი უფრო მოდურ ნივთს წარმოადგენს, ვიდრე პლაშისნაირ საწვიმარს.
◇ ბაიკერი - ტყავის, მეტალის შესაკრავებით გაწყობილი კურტკა მოტოციკლისტების სტილში.


Trench

ქუდები:

◆ ფედორა, ჰომბურგი - ფართო ქუდი ერთი სარტყელით.
◆ ტრილბი - ქუდი ერთ მხარეს აწეული ფარფლით, უფრო წვრილი და ხშირად ფერადი/კუბოკრული ლენტით
გვხვდება და ის მეტად უყვართ დღევანდელ ახალგაზრდა მამაკაცებს.

◇ პანამა - კი ღია ფერის მზისგან საჩრდილობელ ქუდს წარმოადგენს კონტრასტული შავი ან ყავისფერი ლენტით.
◇ უშანკა - რუსულ სტილში ბეწვიანი "ყურებიანი" ქუდი, რომელსაც ზამთარში ყინვაში ხმარობენ.


Homburger / Fedora / Panama / Trilby



ფეხსაცმელი:

ოფიციალურ მიღებებზე მიღებულია მამაკაცს ფეხზე ეცვას ფეხსაცმელი ოქსფორდები.
◆ ოქსფორდები - ამერიკაში ხშირად მოიხსენიებენ როგორც "ბალმორალს".
ოქსფორდები გამოსასვლელ კლასიკურ ფეხსაცმელს გულისხმობს.

◇ ბროუგი - ფეხსაცმელი გამოკვეთილი ორმაგი ნაკერით და ნასვრეტებით. შესაძლოა ნაკერებს
შორის ერთი მატერიის თუმცა სხვადასხვა ფერის (ორი კონტრასტული) ან ბზინვარების მონაკვეთები იყოს.
ბროუგებს ხშირად ურევენ ოქსფორდებში, თუმცა ის ოქსფორდებისგან განსხვავებით უფრო არაფორმალურია.
ასევე ოქსფორდებზე ნაკლებად ფორმალურია დერბი ფეხსაცმელი.

◇ დერბი ან გიბსონები. (ასევე ხშირად ცნობილი როგორც bücher)
მათ ნაკერები მხოლოდ თასმების ადგილას ეტყობათ.
◇ ლოუფერი - შემოწნული გრძივი ნაკერით.

◆ სნიკერსები - ათლეტური სტილის ფეხსაცმელი, რომელიც უფრო "საპრანჭაოდ"
გამოიყენება. კეტების ძირზე, მხოლოდ დატვირთული კოჭთან შესაკრავებითა და სხვადასხვა ფერის
გამოკვეთილი დაბერილი მატერიით.

◇ პლიმსოლები - კეტებზე თხელი ძირის ფეხსაცმელი. ჭრილისა და ბალთის მიხედვით
რამოდენიმე სახით შეიძლება იყოს.



Oxford / Brogues / Derby

Loufers / Sneakers / Plimsols