Stollen - გერმანული საშობაო ნამცხვარი

მსოფლიო კულინარიაში Stollen პუდრმოყრილ ხილის ნამცხვარს ჰქვია და მას საკმაოდ დიდი ისტორიაც გააჩნია... როგორც საშობაო ნამცხვარი კი პირველად 1545 წელს მოამზადეს გერმანიაში...

თავდაპირველად მას ძალზე მწირი შემადგენლობა ჰქონდა და მხოლოდ ფქვილით, შვრიითა და წყლით ამზადებდნენ...

დროთა განმავლობაში კი ეს სიაც გაიზარდა და საბოლოოდ უგემრიელესი ნამცხვარი მივიღეთ მრავალფეროვანი ინგრედიენტებით...

შემადგენლობა:

1. 2 დიდი კვერცხი
2. მწიკვი მარილი
3. 200 გ. შაქარი
4. 1 პაკეტი ვანილის შაქარი
5. 250 გ. ოთახის ტემპერატურაზე დარბილებული კარაქი
6. 250 გ. უცხიმო ხაჭო
7. 50 გ. კურაგა
8. 50 გ. ქიშმიში
9. 100 გ. თხილი 
10. 100 გ. ნიგოზი 
11. 50 გ. ნუში 
12. 500 გ. ფქვილი 
13. 1 პაკეტი გამაფხვიერებელი ფხვნილი 
14. 100 გ. შაქრის პუდრა
15. 25 გ. დათლილი ფასტუღის თხილი (ფისტაშკა) 
16. საცხობი ქაღალდი 
17. ტყვიის ქაღალდი (ფოლგა)

მომზადება:

• კვერცხი, მარილი, შაქარი და ვანილის შაქარი კარგად გათქვიფეთ, დაუმატეთ 125გ. კარაქი და ხაჭო, ასევე თხილი, კაკალი, ნუში.
• ცალკე ფქვილში აურიეთ გამაფხვიერებელი ფხვნილი და დაამატეთ მომზადებულ მასას.
• სწრაფად მოზილეთ ცომი, ჩადეთ ფორმაში და შედგით წინასწარ გახურებულ ღუმელში, აცხვეთ საშუალოზე დაბალ ტემპერატურაზე.
• როდესაც გამოცხვება, ზემოდან მოასხით 125გ. კარაქი და მოაყარეთ ბლომად შაქრის პუდრა.
• გაგრილებული ნამცხვარი შეახვიეთ ტყვიის ქაღალდში და მხოლოდ 2-3 დღის შემდეგ გახსენით, მოაყარეთ დაფქული ფასტუღის თხილი და მიირთვით.