ტოლმა იგივე დოლმა როგორც მას აღმოსავლეთის ქვეყნებში უწოდებენ, გაურკვეველი წარმომავლობის, თუმცა მაინც მრავალი სამშობლოს მქონე.

      აღმოსავლეთისა თუ კავკასიის ქვეყნების ფავორიტი და სადაო კერძი.

      მის წარმომავლობაზე ვერა, მაგრამ მის გემრიელობაზე კი ყველა უსიტყვოდ თანხმდება.

      ამას ქველინარიაც ადასტურებს და არაერთ ტოლმის რეცეპტს გთავაზობთ: კომბოსტოს, ბულგარული წიწაკის...

      ამჯერად კი ვაზის ფოთლის ტოლმის უგემრიელესი რეცეპტი, რომელზეც ყველაზე მეტ პრეტენზიას სომხეთი აცხადებს:

შემადგენლობა:

1. ხორცის რბილი ნაჭერი - 500გრ
2. ხახვი - 2 თავი
3. ოხრახუში, კამა და პიტნა - თითო კონა
4. ბრინჯი - 1 ჩ.ჭ.
5. კარაქი - 70–100გრ
6. წიწაკა და მარილი - გემოვნებით
7. ვაზის ფოთოლი - 40–50 ცალი

მომზადება:

• გაატარეთ ხორცსაკეპში ხორცი ხახვთან ერთად.
• შეურიეთ წვრილად დაკეპილი ქინძი, კამა, პიტნა და გარეცხილი ბრინჯი. შეაზავეთ მარილით და წიწაკით.
• ვაზის ნორჩი ფოთლები, მოწალეთ მდუღარე მარილწყალში.
• თითოეულ ფოთოლში გაახვიეთ კაკლისოდენა ფარში და თანმიმდევრულად ჩააწყვეთ სქელძირიან ქვაბში.
• ალაგ–ალაგ ჩააყოლეთ კარაქის ნაჭრებიც.
• ნახევრამდე დაასხით მდუღარე წყალი, თავზე დაადეთ ბრტყელი თეფში და სიმძიმე.
• დადგით დაბალ ცეცხლზე და ადუღეთ ხორცის მოხარშვამდე.
• სუფრასთან მიიტანეთ ნივრით შეზავებულ მაწონთან ერთად.