Qwelly

ხინკალი

გსურთ მიირთვათ საკუთარი ხელით დამზადებული უგემრიელესი ხინკალი?! ისეთი, რომელსაც ვერცერთ სახინკლეში ვერ მოგართმევენ. Qwellynaria დაგემხმარებათ ამაში!

შემადგენლობა (30 ცალზე) :

ღორისა და საქონლის ფარში – 500 გ
პურის ფქვილი – 600 გ
წყალი – საჭიროების მიხედვით
ხახვი – 3 ცალი
შავი პიმპილი,მარილი,ძირა ან კვლიავი – გემოვნებით

საჭირო ჭურჭელი:

თასი
ცომის საგლინველა
სამზარეულოს დაფა
დანა
კოვზი
მოზრდილი თავსახურიანი ქვაბი
ლანგარი
ქაფქირი
მოზრდილი თეფში

მომზადება:

ხორცის ფარშს ხორცსაკეპ მანქანაში გატარებული ხახვი და სანელებლები შურიეთ. ფარშს იმდენი წყალი დაასხით, რომ წვენი ოდნავ მოიყენოს.
თასში ჩაყარეთ ფქვილი. ნელ-ნელა დაასხით თბილი წყალი და მაგარი, ელასტიკური ცომი მოზილეთ.
თასს ჩაის ტილო გადააფარეთ და 30 წუთის შემდეგ ცომი კიდევ ერთხელ გადაზილეთ.
ქვაბი ცეცხლზე დადგით, წყალი ჩაასხით 2/3-ზე მდა როცა ადუღდება, მარილი დაუმატეთ.
ცომი გააბრტყელეთ 1,5 სმ სისქეზე და 7 სმ დიამეტრის პირის ჭიქით ამოჭერით.
ცომის თითოეული გუნდა გააბრტყელეთ ისე, რომ შუაგული უფრო სქელი იყოს, გვერდები კი თხელი.
თითოეული ცომის ფენაზე 1 სადილის კოვზი ხორცის ფარში მოათავსეთ.

მოხვევა:

ცომს ხელი კიდეში მოჰკიდეთ და მოხვევა დაიწყეთ ისე, რომ თანაბარი ნაოჭები გაუკეთოთ.
ხინკალს თავი კარგად მოუკარით და ზედმეტი ცომი მოაცილეთ.
მოხვეული ხინკლები ფქვილმოყრილ ლანგარზე ან სამზარეულოს დაფაზე მოათავსეთ.

მოხარშვა:

ხინკლები ადუღებულ მარილიან წყალში ჩაყარეთ და ფრთხილად ამოურიეთ. სახურავი დაახურეთ და როდესაც ადუღდება, კიდევ ერთხელ ამოურიეთ.
2-3 ჯერ წამოდუღების შემდეგ, როცა ხინკალი კარგად დაიბერება, განიერ თეფშზე ამოალაგეთ და სურვილისამებრ მოაყარეთ შავი პილპილი.