წითელი ხავერდოვანი ბისკვიტი ჩიზქეიქის გულსართითა და მდნარი ყველის უგემრიელესი კრემით...

შემადგენლობა:

ჩიზქეიქი:

1. მდნარი ყველი - 225 გრამი
2. გრანულირებული თეთრი შაქარი - 2/3 ჭიქა
3. მწიკვი მარილი
4. კვერცხი - 2 ცალი
5. არაჟანი - 1/3 ჭიქა
6. კრემი - 1/3 ჭიქა
7. ვანილის ექსტრაქტი - 1 ჩ.კ

ბისკვიტი:

1. ფქვილი - 2 ½ ჭიქა
2. თეთრი გრანულირებული შაქარი - 1 ½ ჭიქა
3. კაკაო - 3 ჩ.კ
4. სოდა - 1 ½ ჩ.კ
5. მარილი - 1 ჩ.კ.
6. კვერცხი - 2 ცალი
7. მცენარეული ზეთი - 1 ½ ჭიქა
8. კეფირი - 1 ჭიქა
9. წითელი საღებავი - ¼ ჭიქა
10. ვანილი ექსტრაქტი - 2 ჩ.კ
11. ძმარი - 2 ჩ.კ

ნაღების ჭიქურა:

1. შაქრის პუდრა - 2 ½ ჭიქა
2. მდნარი ყველი - 225 გრამი (ოთახის ტემპერატურის)
3. კარაქი - ½ ჭიქა
4. ვანილის ექსტრაქტი - 2 ს.კ.

მომზადება:

ჩიზქეიქი:

      გაახურეთ ღუმელი 73 გრადუსზე. საცხობი ჟარუნა შედეთ ქურაში. ჩაიდნით აადუღეთ წყალი.

      22 დიამეტრის ზომის საცხობ ფორმას მიასხურეთ ცოტა ზეთი, დააფინეთ პერგამენტის ქაღალდი, საცხობს გარედან შემოახვიეთ ფოლგის ქაღალდი, ისე რომ ძირიც დაუფაროს.

      ღრმა თასში მიქსერით ათქვიფეთ მდნარი ყველი, უნდა მიიღოთ ერთგვაროვანი, კრემისებური მასა. დაამატეთ შაქარი, მარილი და თქვიფეთ კიდევ 2 წუთი, დაამატეთ კვერცხი და განაგრძეთ ათქვეფა, ბოლოს დაამატეთ არაჟანი, კრემი, ვანილი და ათქვიფეთ ერთიანი, გლუვი მასის მიღებამდე.

      მიღებული მასა გადაიტანეთ პერგამენტიან ფორმაში, ფორმა მოათავსეთ ქურაშე წინასწარ გაცხელებულ ჟარუნაზე, ჩაასხით ადუღებული წყალი და შედგით ქურაში 45 წუთით.

      მზა ჩიზქეიქი ამოიღეთ ფორმიდან და გააციეთ, გაციების შემდეგ შედგით საყინულეში რამდენიმე საათით ან მთელი ღამით.

ბისკვიტი:

      გაახურეთ ღუმელი 176 გრადუსამდე, აიღეთ ორი 22 სანტიმეტრი დიამეტრის საცხობი, წაუსვით ცხიმი და მოაფრქვიეთ ფქვილი.

      დიდ თასში აურიეთ ფქვილი, შაქარი, კაკაო, სოდა და მარილი. ცალკე აურიეთ კეფირი კვერცხი, ზეთი, ვანილი, საღებავი, ძმარი, დაამატეთ ფქვილის ნარევი და ათქვიფეთ მიქსერით საშუალოზე დაბალი სიჩქარით. მზა მასა გადაიტანეთ წინასწარ მომზადებულ საცხობებში, გადაანაწილეთ თანაბრად, გამოაცხვეთ 30 -35 წუთის განმავლობაში.

      ბისკვიტი შეაგრილეთ საცხობშივე 10 წუთით. შემდეგ ამოიღეთ ფორმიდან და კარგად გააციეთ.

ჭიქურა:

      დიდ თასში მიქსერით ათქვიფეთ მდნარი ყველი, შაქარი, კარაკი და ვანილი, უნდა მიიღოთ გლუვი, კრემისებური მასა.

      ნამცხვრის თეფშზე დადეთ ერთი ბისკვიტი, საყინულიდან გამოიღეთ ჩიზქეიქი და მოათავსეთ ამ ბისკვიტზე და დანით შეუსწორეთ გვერდები, რომ ბისკვიტი და ჩიზქეიქი თანაბარი ზომის იყოს, შემდეგ დაადეთ მეორე ბისკვიტი.

      წაუსვით მზა ჭიქურა ზედაპირზე და გვერდებზე.

ზემოდან შეგიძლიათ მორთოთ სურვილისამებრ ხილით, შოკოლადით...