სონ დონგის მღვიმე მდებარეობს ფონგ-ნჰა-კე-ბანგის ეროვნული პარკის ცენტრში, ქუანგ ბინჰ პროვინციაში, ცენტრალურ ვიეტნამში. გამოქვაბული საზოგადოებისთვის ღიაა 2013 წლიდან, მას შემდეგ რაც 2009-2010 წლებში ბრიტანული ასოციაციის მიერ იქნა ჩატარებული კვლევები.

      მსოფლიოს უდიდესი გამოქვებული გამოირჩევა მასიურობით. იგი იმდენად მომაჯადოვებელია, რომ კითხვა შეიძლება გაგიჩნდეთ ისევ ამ პლანეტაზე იმყოფებით თუ არა. უცხო ხედები და პეიზაჟები, რომელსაც სხვაგან ვერ ნახავთ. უზარმაზარი სტალაგმიტები, რომლებიც თითქოს მიწიდან არიან ამოზრდილები და ჩამოკიდებული სტალაქტიტები. შუა ჯუნგლებიდან უცბად გამოქვებულის სიღრმეში აღმოჩნდებით, ეს იმდენად სიურეალისტურია, რომ თქვენ ეს უნდა ნახოთ რომ დაიჯეროთ. მთელ ადგილს ბურუსი აკრავს გარს, შედეგად კი გამოქვაბულში თავისით ლოკალიზდება ამინდი. გასასვლელები მორთულია უძველესი წიაღისეულებით.

      1990 წელს ნადირობისას ჰო კჰანჰმა გზაზე შენიშნა ნისლი, ჩამოწოლილი ბურანი, რომლის სიღრმიდანაც მოისმოდა მდინარის ხმა. როდესაც მან იგრძნო ქარი, რომელიც გამოქვაბულიდან უბერავდა, გადაწყვიტა შიგნით შესვლა. იგი სახლში დაბრუნდა რამოდენიმე დღის შემდეგ, მაგრამ დაავიწყდა გამოქვაბულის ზუსტი ადგილმდებარეობა. ამავე დროს ბრიტანული ასოციაციის მკვლევარები, ჰოვარდი და დებ ლიმბერტი აპირებდნენ ამ ადგილას ექსპედიციების ჩატარებას, კჰანჰმა გაანდო მათ გამოქვაბულის შესახებ, რითაც ისინი დაინტერესდნენ, ბევრი წარუმატებელი ცდის შემდეგ, მათ უკვე გადაწურული ქონდათ გამოქვაბულის პოვნის იმედი. 2008 წელს კჰანჰმა ისევ აღმოაჩინა გამოქვაბული, ხოლო 2009 წელს მან პროფესიონალთა გუნდი წაიყვანა და მოეწყო პირველი ექსპედიცია, ხოლო მოგვიანებით მას ეწოდა სონ დონგის მღვიმე ანუ "მთის მდინარის გამოქვაბული".

      პირველი ექსპედიცია შეწყდა 80 მეტრიან სიმაღლის კალციტ ბარიერთან, რომელსაც ხუმრობით "ვიეტნამის დიდი კედელი" უწოდეს. 2010 წელს როცა საბლოოდ გადალახეს დიდი კედელი, გაგრძელდა ექსპედიცია და გამოქვაბულის ბოლომდე მივიდნენ, რის შემდეგადაც განსაზღვრეს რომ იგი იყო მსოფლიოს ყველაზე დიდი გამოქვაბული.

      გამოქვაბულის სექციები სიმაღლით 200 მეტრს აღწევს და სიგანით 150 მეტრი, სონ დონგის მღვიმეში თავისუფლად ჩაეტევა ნიუ იორკის 40 ცათამბრჯენი. მისი საერთო მოცულობა 38,5 მილიონი კუბური მეტრია, რაც აღემატება ირმის გამოქვაბულს, რომელიც მდებარეობს მალაიზიაში და ითვლებოდა უდიდეს გამოქვაბულად.

      სონ დონგის მღვემეში მოსახვედრად პირველ რიგში უნდა გაიაროთ სოფელი ბან დონგი, რომელიც ეროვნულ პარკში მდებარეობს და მოსახლეობა 40 ადამიანზე ნაკლებია.

      ბევრ ადამიანს ვისაც შეუძლია ბან დონგს ეწვიოს და ხვდება მის კეთილგანწყობილ მოსახლეობას, მოგზაურობის ერთ-ერთ ყველაზე საინტერესო მომენტად რჩება. ბან დონგი შესაძლებლობას გაძლევთ დაინახოთ ცხოვრების გზა, რომელიც საუკუნეების განმავლობაში უცვლელად მიედინება.