საქართველოში, წელს, 16-17 მაისს პირველად იდღესასწაულება აწყურის ყოვლადწმინდა ღმრთისმშობლის ხატის შემობრძანება თბილისში, ჩვენს დედაქალაქში. ამასთან დაკავშირებით მოეწყო სხვადასხვა ლოცვითი მსვლელობები. 16 მაისს, სვეტიცხოველში წირვა აღავლინეს სამთავისისა და კასპის ეპისკოპოსმა დამიანემ და წალკის ეპისკოპოსმა გრიგოლმა. დღის 2 საათისთვის, აწყურის ყოვლადწმინდა ღმრთისმშობლის ხატი ხელით გადააბრძანეს მცხეთის შემოსასვლელისკენ, შემდეგ კი ავტობუსებით და ავტომიბილებით უკვე თბილისისკენ, ვარდების მოედნისკენ გაემართნენ. ვარდების მოედანზე უკვე შეკრებილი იყო დიდძალი მრევლი და მოელოდნენ ყოვლადწმინდა ღმრთისმშობლის ხელთუქმნელ ხატს. შეკრებილმა მორწმუნეებმა, მღვდელთმთავრებთან და სხვადასხვა სასულიერო პირებთან ერთად ხატი ფეხით გადააბრძანეს სამების საკათედრო ტაძარში.

     ყოვლადწმინდა ღმრთისმშობლის აწყურის ხატი თავად დედა ღმრთისამ გადასცა ანდრია მოციქულს და უთხრა: "დიდად შევეწიო ამ ხატით მონაწილესა მას ჩემდა ხვედრებულსა ქვეყანას, ამინ!"

იხილეთ ფოტოკოლაჟი:

ვარდების მოედნიდან სამების ტაძრამდე

იხილეთ:

"აწყურის ღვთისმშობლის სახელობის ტაძარი"