2015 წლის 25 მაისს, საქართველოს საპატრიარქოში სრულიად საქართველოს კათოლიკოს-პატრიარქის, ილია II-ის მეთაურობით შედგა საქართველოს ეკლესიის წმიდა სინოდის მორიგი სხდომა, რომელიც ორ საათზე მეტი ხნის განმავლობაში მიმდინარეობდა.

     1. წმინდა სინოდმა იმსჯელა და ნიკორწმინდის ეპარქიის ეპისკოპოსად არქიმანდრიტი ვახტანგ ლიპარტელიანი დაადგინა. შეგახსენებთ, მეუფე ელისე, 2015 წლის 17 მარტს გარდაიცვალა და ამ დრომდე არ იყო ცნობილი, თუ ვინ იქნებოდა მისი შემცვლელი. არქიმანდრიტი ვახტანგ ლიპარტელია თავდაპირველად თბილისში, ბოლო სამი წელი კი მოსკოვში მოღვაწეობდა.

     2. გამორჩეული ეპისკოპოსის დადგენაზე შეირჩა საღვთისმეტყველო კომისია. წმინდა სინოდმა იმსჯელა და გადაწყვიტა შეიქმნას კომისია რომელიც შეისწავლის არქიმანდრიტ დემეტრე თეთრუაშვილის საკითხს. შეგახსენებთ, არქიმანდრიტი დემეტრე თეთრუაშვილი კახისა და ქურმუხის ეპისკოპოსად იქნა დადგენილი თუმცა კურთხევა გადაიდო. კომისიის წევრები არიან: მანგლელი მიტროპოლიტი ანანია (ჯაფარიძე), ახალციხისა და ტაო-კლარჯეთის მიტროპოლიტი თეოდორე (ჭუაძე), ხორნაბუჯისა და ჰერეთის ეპისკოპოსი მელქისედეკი (ხაჩიძე) და ბოდბელი ეპისკოპოსი იაკობი (იაკობიშვილი).