მცირეწლოვანი ვიყავი, როდესაც პირველა ჭამა დამიშალეს - ძალიან მსუქანი იქნები და პრობლემები შეგექმნებაო. არადა, არ მჯეროდა. როგორ შეიძლება მსუქან, კარგად ნაჭამ, დანაყრებულ და ამ ყოველივეთი ბედნიერ ბავშვს რაიმე პრობლემა მქონოდა. ეგეც არ იყოს, ყოველთვის მჯეროდა, რომ ჭამა და საჭმელი, ადრე თუ გვიან რაიმე სიკეთეს მომიტანდა. ამ რწმენით გადიოდა წლები, ცარიელდებოდა მაცივარი, პატარავდებოდა და ფუჭდებოდა ტანსაცმელი, ბიჭები მხოლოდ მემეგობრებოდნენ და ა.შ. მართალია, ვერანაირი სიკეთე ვერ მომიტანა გარდა კალორიებისა, მაგრამ დღესაც განაკუთრებით ვაფასებ და ვუწონებ ხელოვნებას იმ ადამიანებს, რომლებიც საჭმლის გარშემო ტრიალებენ (არ შემიძლია არ გავიხსენო კლასიკოსი ჯუზეპე არჩიმბალდო. იხილეთ მისი ნამუშევრები). სწორედ ასეთი ხელოვანია, უფრო სწორად, საჭმლის სტილისტი და რეცეპტების ავტორია ლონდონში მოღვაწე ლუსი-რუთი (Lucy-Ruth). მისი რეცეპები და დეკორაციები ჩრდილოეთ ამერიკასა და ინგლისში ერთ-ერთი ყველაზე პოპულარულია, ასევე იწონებენ და აქებენ მის რეცეპტებს.

      დღევანდელ პოსტში, მხოლოდ დეკორაციულ ნამუშევრებს, ხელოვნების და ფოტოგრაფიის ნიმუშებს წარმოგიდგენთ.

      და ბოლოს, ავტორი, ლუსი-რუთი მუშაობის პროცესში.