მეგობრებო, არ იფიქროთ რომ სიზმარს გიყვებით. 23–25 ნოემბერს თბილისში ჩატარდა ნატოს ახალგაზრდული სამიტი. ეს პროექტი არის ნატოს მოდელირება და ტარდება ზუსტად იგივე პრინციპების დაცვით, როგორც ეს ხდება სინამდვილეში. მე საშუალება მქონდა დავსწრებოდი აღნიშნულ სამიტს იტალიის დელეგატის სახელით და გავცნობოდი ჩვენთვის ასე სანატრელი ალიანსის შიდა სამზარეულოს. არ დაგიმალავთ და ნამდვილად მოხიბლული ვარ! სამიტის ფარგლებში სულ მუშაობდა 9 კომიტეტი და 330 დელეგატი. თვითოეული კომიტეტი განიხილავდა თანამედროვე მსოფლიოს ყველაზე აქტუალურ საკითხებს, მათ შორის: სირიის, კორეის სახალხო დემოკრატიული რესპუბლიკისა და ირანის ბირთვული იარაღის, ნატო–რუსეთის თანამშრომლობის, კიბერნეტიკული უსაფრთხოების და ბირთვული დაგეგმარების საკითხები. სამიტის პირველი ორი დღე ჩატარდა ილიას უნივერსიტეტში, ხოლო დასკვინითი სხდომა გაიმართა შერატონ მეტეხი პალასის საკონფერენციო დარბაზში. სხდომას უძღვებოდა საქართველოში ნატოსა და ევროკავშირის საინფორმაციო ცენტრის დირექტორის მოადგილე – გიორგი კეპულაძე.
თითოეულ კომიტეტს საკითხის განხილვის შემდეგ უნდა დაეწერა რეზოლუცია და წარედგინა ჩრდილო ატლანტიკური საბჭოს და ნატოს გენერალური მდივნის წინაშე. ალბათ მიხვდებოდით, რამდენად საპასუხისმგებლო მისია გვქონდა დაკისრებული და ჩვენც მთელი შემართებით შევუდექით მუშაობას.
რთულია იმის გადმოცემა, რაც მუშაობის პროცესში ხდება. მე დავრწმუნდი რომ ჭეშმარიტება ნამდვილად კამათში იბადება. დავრწმუნდი იმაშიც, რომ ამ პროექტის დახმარებით ძალიან ბევრმა ჩვეგანმა შეიძინა ისეთი მნიშვნელოვანი უნარები, როგორიცაა დისკუსიისა და დებატების უნარი, კრიტიკული აზროვნება, საკუთარი პოზიციის ნათლად ჩამოყალიბება, დიპლომატიური ურთიერთობების წარმოება და გუნდური მუშაობის ტექნიკა. ჩვენ წარმოვადგენდით ნატოს წევრ სახელმწიფოებს და ვფლობდით როგორც უდიდეს ძალაუფლებას ასევე პასუხისმგებლობასაც, რაც ორმაგად ამძიმებდა ჩვენს მხრებს. დილიდან დაღამდებამდე ყველა კომიტეტში ისმოდა ცხარე დისკუსია და პოზიციების დაპირისპირება, მაგრამ საბოლოოდ, გენერალური მდივნის დახმარებით კონსესუსს ყველა კომიტეტმა მიაღწია და რეზოლუციები მიღებულია. შემოდგომის სამიტმა წარმატებით დაასრულა მუშაობა და მირღწეული შედეგის აღსანიშნავად გაეშურა. :)
მე, სახლში მოსული 4 საათის მანძილზე ვებრძოდი თავის ტკივილს. როგორც იქნა დავუბრუნდი ჩვეულ მდგომარეობას, თვალი და გონება გადავავლე გასულ სამ დღეს და უკვე ძალიან მომენატრა. ჩემი კომიტეტი გამოირჩეოდა ძლიერი დელეგატებით, ამასთანავე ძალიან მეგობრული დამოკიდებულებით და ბევრი კურიოზული სიტუაციით. ბედნიერი ვარ, რომ ამ სამიტიდან დამრჩება არა მხოლოდ მიღებული ცოდნა და კარგი მოგონებები, არამედ, ძალიან ნიჭიერი, განათლებული და დიპლომატი მეგობრებიც.
გირჩევთ, არ გამოტოვოთ მსგავს პროექტებში მონაწილეობის შანსი და თქვენც გამოცდით როგორია იყო სახელმწიფოს ოფიციალური წარმომადგენელი, ლაპარაკობდე შენი ქვეყნის სახელით, შედიოდე პოლემიკაში და საბოლოოდ იღებდე შენი ქვეყნისთვის სასურველ გადაწყვეტილებას.
T.G.
საუკეთესო რეპორტაჟია! :) დამღლელი იყო, უძილარი მაგრამ როგორც აღნიშნე მართლაც ძალიან სასარგებლოც იქნებოდა :) თუ მოდელირებულ სამიტზე იტალიის ინტერესებს იცავდი, დარწმუნებული საქართველოს ინტერესებს რა გულიანად დაიცავ! :)
მშვენიერი პოსტია!
ლაშა მადლობა შექებისთვის. საქართველოს ერთ კომიტეტში ისეთი დელეგატი ყავდა თავის მოკვლა მომინდა... მარა ჩემი იმედი შეგიძლიათ გქონდეთ მაგ საქმეში :)
tamuna მგონი ვინც კი გიცნობს, ყველა დამეთანხმება რომ ნამდვილად კარგი დელეგატი გვეყოლები :) :) არაუშავს, ეს ქართული სენია - შინ არ ვარგივართ შინაურებისთვის :D
:) მართალი ხარ, მაგრამ ნელ–ნელა ყველაფერს ვისწავლით ( მერე ნატოშიც შევალთ :დ)
დეიდა ნატოო, დეიდა ნატოო, სულ ეს კადრი მაგონდება, როცა საუბარი ნატოზე მიდგება. :D
კომენტარი
Welcome to
Qwelly
გამოაქვეყნა Malinda Heng_მ.
თარიღი: აგვისტო 17, 2025.
საათი: 2:00pm
0 კომენტარი
1 Like
გამოაქვეყნა Malinda Heng_მ.
თარიღი: აგვისტო 16, 2025.
საათი: 10:00am
0 კომენტარი
0 მოწონება
Can your mind run out of memory? Your memory depends on reusing, overlapping and adapting relatively than on a set number of storage spots. While you buy by way of hyperlinks on our site, we might earn an affiliate commission. Here’s how it works. You can use up all the storage on your phone or max out your computer's drive, but can you utilize up all the memory area in your brain? Regardless of how you would possibly really feel before an exam or after a sleepless night before a…
გამოაქვეყნა nino iremashvili_მ.
თარიღი: აგვისტო 11, 2025.
საათი: 5:08pm
2 კომენტარი
2 მოწონება
გამოაქვეყნა Lan Marie_მ.
თარიღი: აგვისტო 3, 2025.
საათი: 1:00pm
0 კომენტარი
0 მოწონება
Looking for some of the best keto cocktails on the web? This page will be updated frequently with sugar free, keto cocktails you can make at home and stay in ketosis. There are several keto friendly, zero sugar alcohols like vodka, gin, rum and whiskey. It’s what you mix with the alcohol that tends to be a problem for keto. Fortunately, keto cocktails are simple to make by making a few simple substitutions like keto simple syrup and other sugar free options that allow you to still enjoy a…
გაგრძელება
© 2025 George.
•
თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!
Qwelly_ზე რეგისტრაცია