მართალია, დიდი ხანია ვიძახი რომ ფეისბუკის გაუქმებას ვაპირებ, მაგრამ ვერა და ვერ დაადგა ამას საშველი. სამწუხაროდ ფეისბუკის გაუქმება ნიშნავდა ადამიანების დაკარგვას, რომლებიც ასე მიჯაჭვულან იქაურობაზე და აზრადაც არ მოსდით საკუთარი შექმნან. ასევე დიდი ხანია არ მომწონს ყოველივე ის, რასაც ფეისბუკი აკეთებს, რა პროექტებსაც ის ანხორციელებს და ვის მხარდამჭერადაც გვევლინება აწ უკვე ოფიციალურად (ვგულისხმობ ჰომოსექსუალიზმის წახალისებას, მხარდაჭერას და ზეიმს ერთსქესიანთა ქორწინების ამერიკის მიერ დაკანონებისთვის), და რაც მთავარია, არ მომწონს ის რომ ყოველივე ამას სიხარულით უწყობს ხელს მთელი მსოფლიო და რა თქმა უნდა ჩემს გარშემო შეკრებილი საზოგადოებაც (არ ვიქნები გამონაკლისი, ოდესღაც მეც).

      მაგრამ არ შეიძლება ებრძოლო ასეთ გიგანტებს, მითუმეტეს მათ ტერიტორიაზე, რადგან ყოველთვის დამარცხებული გამოხვალ.

      რას ნიშნავს სოციალური ქსელი და რისთვისაა ის საჭირო - უპირველეს ყოვლისა რაც პასუხად თავში მოგვდის "თავისუფალი ურთიერთობებისთვის".

      დიახ, ინტერნეტმა სწორედ ამით მოხიბლა საზოგადოება წლების წინ, რომ ინტერნეტში შეგეძლო ყოფილიყავი თავისუფალი! გქონოდა გამოხატვის თავისუფლება, გაქცეოდი საზღვრებს - სახელები, ფურცლები, დოკუმენტები, წარმოამვლობა, ვინაობა - და შენი ნააზრევი, შენი ემოცია, შენი ფიქრები ნებისმიერი სახელით გაგეთავისუფლებინა საზოგადოებებისთვის. ყოფილიყავი დაფარული, მაგრამ საინტერესო საკითხავი. ანდა განგეცხადებინა შენი თავი და აქ გეპოვა თავისუფლება, მოკლედ სულ ერთია - შენ არჩევანი გქონდა.

      ბოლო 5 წელია (იქამდე მაინცდამაინც ასეთი პოპულარული არ იყო) რაც სიტყვა იტნერნეტი იგივდება ერთ კონკრეტულ სოციალურ ქსელთან, რომელსაც ფეისბუკი ჰქვია. ადამიანები აქ "თავისუფლდებიან", ყოველშემთხვევაში ამის სჯერათ რომ თავისუფალნი არიან, ამიტომ ყველას და ყველაფერს ფეისბუკზე ტენიან და თუ შენ არ ხარ იქ, შენც ჩაგტენიან - მოკლედ, ფეისბუკზე შეტენვა ეს ელიტარულობაა.

      ჰო, მაგრამ ზემოთნახსენები თავისუფლება?

      ჯერ კიდევ წლების წინ გამოქვეყნდა ბლოგი, სადაც FBI-ს თანამშრომელი მადლობას უხდიდა ფეისბუკს გაწეული სამსახურისთვის, ფეისბუკის საშუალებით ადამიანის თვალთვალი იმაზე ადვილია, ვიდრე ეს ვინმეს წარმოუდგენია და ბოლო-ბოლო check in სისტემაც ხომ ამისთვის მოიგონეს. მაგრამ სულ ცინცხალი ამბავი ის გახლავთ, რაც მე დღეს დამემართა და რამაც ისე აღმაშფოთა და გამაღიზიანა, რომ ამხელა ტექსტები დამაწერინა.

      დიდი ხანია ფეისბუკზე მარტივად მქვია სახელი - Lasha - ყოველგვარი გვარისა, წარმომავლობისა და მისთნების გარეშე (ვფიქრობ ინტერნეტის არცერთ წესს არ ვარღვევ ჩემი სახელით, მითუმეტეს რომ წლების წინ სწორედ ეს სახელი მეწოდა მშობლებისგან).

      დღეს ფეისბუკზე შესვლა გადავწყვიტე, მაგრამ ამაოდ:

      ვინც მიცნობს, ისიც ეცოდინება რომ ინგლისურის მაინცდამაინც შექსპირივით არ ვფლობ, მეტიც არც ასაკისთვის შესაფერისად ვიცი ეს ენა, მაგრამ იმდენი კი გავიგე, რომ მივმხვდარიყავი - ფეისბუკს ჩემი სახელი არ მოეწონა.

      გასაგებია, საიტის წესში წერია რომ ორი სახელი უნდა გქონდეს, შენ კიდევ ერთი გაქვს, ეს დარღვევაა! ამიტომ დავემორჩილე და Get Started.

      შემდეგ:

      სახელი და გვარი აქაც გავიგე რომ უნდა ჩამეწერა, მაგრამ ეს ID რა არის? ან რა საჭიროა?

      ფეისბუკმა გაითვალისწინა, რომ ეს შეკითხვა მექნებოდა, ამიტომ გადაწყვიტა წინასწარ აეხსნა ეს ჩემთვის. დავინტერესდი რა ტიპის ID ბარათი დააკმაყოფილებდა ფეისბუკს და სწორედ ამ დროს დაიწყო ჩემი გაბრაზება. მაშ ასე,

      ფეისბუკი ითხოვს:

      არ გეგონოთ რომ ეს საიტი რამეს გაძალებთ, აქ არჩევანის საშუალებაც არის:

      და მესამეც

      რა თქმა უნდა ფეისბუკით პოზიტივისტები ახლაც იტყვიან, რომ მე ეს ყველაფერი მელანდება, ვაზვიადებ და კვლავ თავიანთი ბრძნული სახით შემომხედავენ როგორც "ეს ცოტა უქიქინებს" ახალგაზრდას, მაგრამ რას ვიზამთ.

      შევაჯამოთ,

      მეგობრებო, ჩემი პირადობის დასკანერებას და ფეისბუკზე ატვირთვას არ ვაპირებ, მიუხედავად იმისა რომ "რა მოხდება ატვირთივს შემდეგ" ფეისბუკმა იცის და მეუბნება კონფიდენციალური იქნებაო. არც ამდენ წვალებს ვაპირებ ალტერნატიული ბარეთების დამზადებით, ამიტომ თუ რამე შემოვლითი კოდი მოვიპოვე და დავუბრუნდი საიტს ხო კარგი, თუ არადა ფეისბუკზე გამოსამშვიდობებელ წერილად მიიღეთ ეს ფოსტი და იცოდეთ მე არ მიიტოვებიხართ ფეისბუკმოყვარენო, ეს თქვენმა სოციალურმა ქსელმა მკრა ხელი.