გრაგნილზე დაწერილი წერილი პირველად მივიღე და მიუხედავად იმისა რომ სარეკლამო კამპანიას წარმოადგენს, ორიგინალურობა არ აკლია. 

ლუმიერის ისტორია

      სახლი: ლუმიერი

      მნიშვნელობა: ადგილი სადაც სინათლე ჩნდება

      მოწოდება: გაჩუქოს უნიკალური ემოცია (მოწოდებაში ცოტა მოიკოჭლეს, ყველა ამას წერს ხოლმე)

      ძვირფასო ლაშა, (ხომ გითხარით, მე მეძღვნებოდა) ლუმიერი შეიქმნა პერსონალურად შენთვის (ცხადია, ყველას ამას ეუბნებიან), მან გრძელი გზა გაიარა შენამდე მოსასვლელად. ჯერ კიდევ 130 წლის წინ, კავკასიონის ქედის მიდამოებში გაღვივდა ბოლქვი, შემდეგ გაიდგა ფესვები, გაიკვირტა, დაიტოტა და გახდა მედიდური ხე. მას ლამაზი და სრულფასოვანი ცხოვრება ჰქონდა, მაგრამ ყოველთვის გრძნობდა, რომ ეს ყველაფერი არ იყო, რომ ცხოვრების შემდეგ არსებობა უნდა გაეგრძელებინა, თუმცა მან ჯერ არ იცოდა, რომ ბედნიერება უნდა ეჩუქებინა შეთვის. (მოჭრეს საწყალი და ახლა ცდილობენ დამაჯერონ, რომ არ სტკენია)

      ამ დროს, ცხრა მთას იქით, ინდონეზიის ჩრდილო დასავლეთით („-“_იტ იწერება, ვიცი, უბრალოდ თვითონაც არ ეწერათ), მდინარე კილივუნგის სანაპიროსთან, (ქართულად უფრო ჩილი ვუნგად იცნობენ, რადგან ინდონეზიურზე ასე გამოითქმის (Ciliwung, Tji Liwung)), შუშის ქარხნისკენ მიმავალ გზაზე ინდონეზიელი ქალი ჩაფიქრდა, თუ რა ბედი ეწეოდა ნათურას, რომელსც აიღებდა კონვეირიდან და შეფუთავდა გრძელი გზის გამოსავლელად, არც მაინ იცოდა, რომ ამ ნათურას ბედნიერება უნდა მოეტანა შენთვის. 

      ვინ დათვლის რამდენი ისტორია, რამდენი წუთ და კილომეტრი დასჭირდა იმას, რომ ყველა დეტალს თავი მოეყარა ჩვენთან, მაგრამ სწორედ აქ იწყება ყველაზე საინტერესო ისტორია, როდესაც ყველაფერმა აზრი შეიძინა, როდესაც გავიგეთ, რომ შენთვის ვქმნიდით განუმეორებელ საჩუქარს (აშკარად, მეპათხალიმებიან).

      ლუმიერის შექმნაზე დახარჯული თითოეული წუთი იყო მზრუნველობით სავსე, თითეული დეტალი შევარჩიეთ დიდი გულისყურით და თითოეული ასო ამოიტვიფრა სიფაქიზით.

      ბევრ არ გავაგრძლებ, ძალიანაც ნუ გავარეკლამებთ. ამის მერე კიდევ კეთილი სურვილები და ა.შ.

      თუ გავითვალისწინებთ იმას, რომ ძველებურ ფურცელზე ეწერა და დაბეჭდული იყო „სამეფო კარის თამაშების“ ერთ-ერთი სამეფოს ლოგოს მსგავსი ბეჭდით, არაორიგინალურს მაინც ვერ ვუწოდებ.