პირველად ხდება რომ ფილმის ყურებისას ჩანიშვნას ვიწყებ, მაგრამ რა ვქნა სხვა გზა არ მაქვს. ძალიან მინდა ვუყურო, ორი დღის წინ დავიწყე, მაგრამ სამარცხვინო ამბავი დამემართა, ისე ვიყავი დაღლილი და გონებაგათიშული, დასასრულისკენ ჩამეძინა და რომ გამოვიღვიძე, ნორმალურად არ მახსოვდა ვინ ან რა ვნახე. ეგეც არ იყოს, არ მინდა "მაკულატურის" ეფექტი დამემართოს და 3 ან 4 ნახვა დამჭირდეს იმის გასაგებად საერთოდ რა ხდება. ამიტომ მოდი ფილმის აღწერას დავიწყებ, ოღონდ ვინც აპირებთ ფილმის ყურებას, არ წაიკითხოთ პოსტი.

      საქმე ეხება ტარანტინოს ახალ, მერვე ფილმს, რომელსაც დაარქვა საძულველი რვიანი (The Hateful Eight). წინასაახალწლო საჩუქარივით იყო კინომანებისთვის.

      "სპოილერი" რომ არ გამოვიდეს, მხოლოდ იმ ჩანიშვნებსა და ემოციებს შემოგთავაზებთ, დაკვირვებებსა და ფიქრებს ფილმის მსვლელობისას, რომ იბადებოდა.

- ოხ ტარანტინო, ამ ცისფერ-თეთრ თოვლიან ფონზე, ეს აუტანელი ყვითელი ფერი საიდან მოიტანე?
- სამუელ ელ ჯექსონი? - ამათ ჯვარი ხომ არ აქვთ დაწერილი?
- ჯვარცმა?
- ტიმ როთიც ყოფილა.
- მორიკონეო?
- თავებად დაყოფილი ფილმები. ოხ კვენტინ!
- მგონი სახელები უნდა დავიმახსოვრო, თორემ მერე ამერევა ყველაფერი. ცოტა გადმოვახვევ. ამ კაცს ხომ ნორმალურად ფილმის მოყოლა არ შეუძლია რა. ეზარება ტექსტი წეროს და ყველაფერს შენით უნდა მიხვდე ვინ რა თქვა და რატომ.
- უკანასკნელი გაჩერება რედ როკამდე - 1.
- ცენტრალური ვაიომინგი.
- მაიორი მარკუს ვორენი.
- დეიზი დომერგი.
- თეთრი და შავი ცხენის კადრი.
- Butterfield Overland Stage CO.
- ჯონ რუზი.
- ჯექსონის გაწბილებული სახე და სისხლისმტკლიკველი დეიზი.
- ნოლანი.
- ტოდი.
- ლინკოლნის წერილი.
- მოგკლავს და ჩვენ დაგცინებთ - მუქარის საოცარი ფორმა.
- ბიჭი იარაღით. თავი 2
- ქრის მენექსესი.
- მარქს მორალესი
- ჰეგმენი, ჰეგმენ ბარბაროსი
- თავი მესამე მინის თავშესაფარი.
- ოსვალდო მობრეი
- ფილმის კომენტირება? რაღაც ახალია.
- სისხლის გულისრევამდე.
- ეს ვინღაა?
- ერთი შეცდომით იყოს კადრი, ნახე თუ გაპატიო.

      ამის შემდეგ ჩემი ჩანაწერი წყდება. არა, ამჯერად არ დამძინებია, უბრალოდ ფილმმა ჩამითრია და კომენტარების დაწერა ძალიან დამეზარა. საბოლოოდ, მინდა ვთქვა რომ კვენტინმა მგონი თავის თავსაც გადააჭარბა და ყველა სხვა წითელ ფილმს ზომბებსა თუ მკვლელობებზე, ომის სისხლის ნიაღვრებსა თუ ვამპირულ ამბებზე.

      ერთხელ ტარანტინოსთვის უკითხავთ:
- კვენტინ, თქვენს ფილმებში ძალიან ბევრი სისხლია, არ მეთანხმებით?
- თუ გნებავთ მობრძანდით გადასაღებ მოედანზე, იქ მხოლოდ ტომატია.

      არ ვიცი ეს რამდენად რეალური დიალოგია, მაგრამ ნებისმიერ შემთხვევაში ამ ფილმის ყურება ტარანტინომოყვარულთათვის მისწრებაა, მითუმეტეს თუ პასტაც გიყვართ!

P.S. 18 წლამდე და სუსტი გულის მქონე ადამიანებმა არ უყუროთ.