ქველინარიის სამზარეულოში დიდი მითქმა-მოთქმა, აჟიოტაში და გამოხმაურება, დაინტერესება მოჰყვა ჯერ ნუტელას ნაძვის ხეს, შემდეგ კი ბლინების კოშკს მინანქრით დაფარულს და სულ ბოლოს ფერეროსა და ნუტელას რულეტს. ამიტომ, დღევანდელი დღისთვის, Qwellynaria-მ იფიქრა და მოიფიქრა - ნუტელა ბლინებში, ანდა, ალადებში საუცხოო რეცეპტი იქნება ყველა გურმანისთვის და დესერტების მოყვარულისთვის.

      მოამზადეთ მხოლოდ ჩვენი ექსკლუზიური რეცეპტით!

შემადგენლობა:

• ნუტელა - 10 - 14 ს/კ
• ფქვილი - 1½ ჭიქა
• გამაფხვიერებელი 3 ჩ/კ
• შაქარი - 4 ს/კ
• მწიკვი მარილი
• კვერცხი - 1
• რძე - 1 ჭიქა + 2 ს/კ
• ვანილის ესენცია - 1 ჩ/კ
• კარაქი - 1 ჩ/კ , ნაწილ-ნაწილ 2-ჯერ ½ ჩ/კ)
• დაჭრილი მარწყვი

მომზადება:

• გადააფარეთ ლანგარზე საცხობი (პერგამენტის) ქაღალდი;

• ნუტელა გადაიტანეთ ლანგარზე კოვზით, პატარ-პატარა წრიულ ფორმებად. (დაახლოებით, საშუალო ზომის ალადების ფორმებით). საშუალოდ 6 სმ დიამეტრის ზომის.

• შედგით საყინულეში საათი-საათნახევრის განმავლობაში.

• კარგად რომ გაიყინება, გადმოიღეთ პერგამენტის ქაღალდიდან, მაგრამ შეინახეთ ისევ საყინულეში, რადგან ნუტელა ადვილად ლღვება.

• ჯამში მოათავსეთ ფქვილი, გამაფხვიერებელი, მარილი და შაქარი. აურიეთ კარგად.

• დაამატეთ კვერცხი, რძე, ვანილის ესენცია და ნახევარი ჩ/კ კარაქი.

• განაგრძეთ კარგად არევა. როდესაც მიიღებთ ერთიან მასას, შეურიეთ კარაქის მეორე ნახევარი და განაგრძეთ არევა. მორევა შეწყვიტეთ მაშინ, როდესაც ერთიანი მასა გახდება.

• გამოიღეთ ნუტელა საყინულედან, როდესაც დაიწყებთ ალადების ცომის მომზადებას.

• დაასხით 1 ს/კ ალადის ცომი გახურებულ ტაფაზე. როდესაც ალადაზე ბუშტები გამოჩნდება, დაადეთ საყინულედან გამოღებული ნუტელა და ზემოდან მოასხით ალადის ცომი. როდესაც ძირი დაებრაწება, გაუოქროსფერდება, ამოაბრუნეთ ალადა და მეორე მხირდანაც შებრაწეთ.

მთლიანი პროცესი ვიზუალურად

• შემოტავაზებული იგრედიენტებით, დაახლოებით 8-10 ცალი ნუტელას შიგთავსიანი ალადა უნდა გამოგივიდეთ.

 - მარწყვი რატომ გაყიდინეთ?

 - მარწყვი დაჭერით წვრილად და მიირთვით ალადებთან ერთად, ძალიან გემრიელია.

გემრიელად მიირთვით!