გამოხმაურებები!

Permalink ლაშა მაისი 4, 2012 | 3:36pm:

"საქებარია საქმე შემდეგი:
შევიცნოთ ნიჭი გამოსადეგი.

ვინაც მცირედზე სათნო იჩინა,
დიდის მმართველად ის დაინიშნა." ჰოდა არაა ჩემი ნიჭი ლექსების წერა და რატომ ვწერო? :) :) :)

იმედია ჩემი მოკრძალებული პოეზია ბიძგი იქნება ბევრად უკეთესი ლექსების დაწერისა... პოეტები კი არ გვაკლია სამების საღვთისმეტყველოში... :)

Permalink Rati Inashvili მაისი 4, 2012 | 10:21pm:

ეს ჩემი ბოლო დაწერილი, შეიძლება ვერ გაიგოთ მაგრამ მაინც

 

* * *

დაბლა ნუ ხარ, უფრო მაღლა ამო სულო,
გაათეთრე მუქი ფერის ემოცია.
დღეს გონებავ, ქვესკნელიდან ამოსულო,
შენს მეტოქეს სითამამე შემოსია.

გავილაშქრე როცა მარცხი მყავდა სტუმრად,
არ მეძინა, სიყვარულის გამო ვთვლემდი.
ღვინისათვის ალადასტურს არ დავწურავ,
კიდევ ერთხელ ოცნებებით გამოვთვრები.

აღელდა ცა, ნისლები რომ დაძენძილა,
მთის წვერზეა დამალული შავი ბედი.
მზად ვიყავი ჩემი თავი გამეწირა,
მხოლოდ ზეცად ასვლის ბილეთს ავიღებდი.

მაგრამ გულმა მაიძულა გაჩერება,
ცოცხალს მტოვებს ყველა სული, ყველა ძალა.
გადამღალა სიცოცხლეზე არჩევნებმა,
თუ იქნება დღე გასული, ღამე წავალ.

რ. ინაშვილი 30.04.2012

 

Permalink ლაშა მაისი 4, 2012 | 10:23pm:

ჯერ ადრე რატი...

არ გაჩერდე, გაჩერება არ შეიძლება...

ჰო მართალ - კარგი ლექსია არც ლექსის წერაში გაჩერდე... :)

Rati Inashvili said:

ეს ჩემი ბოლო დაწერილი, შეიძლება ვერ გაიგოთ მაგრამ მაინც

 * * *

დაბლა ნუ ხარ, უფრო მაღლა ამო სულო,
გაათეთრე მუქი ფერის ემოცია.
დღეს გონებავ, ქვესკნელიდან ამოსულო,
შენს მეტოქეს სითამამე შემოს...

 

Permalink ლაშა მაისი 6, 2012 | 8:02pm:

ნუ რადგან შენ ასე აფასებ... :D :D :D :D :D :D 

სწორედ მაგიტომ დაიწერა რომ აქაურებს მიეცეთ სტიმული - "ეს არ არის კარგი ლექსი და უკეთესი უნდა ვწეროთ"... :) 

კახა ძიგოშვილი said:

ლაშა ამ ლექსს მე ვაფასებ როგორც ყველა პოეტის გამოწვევად :)) :D

ძაან მაგარია :))))

დაველოდები შემდეგს

Permalink mziko khutsishvili მაისი 18, 2012 | 4:31pm:

      ძალიან ლამაზი და მარტალი ლექსიააა,მაგრად მომეწონა!!!!!!!!

Permalink Rati Inashvili მაისი 22, 2012 | 5:57pm:

კარგი ვარ, მაგრამ...

მეუბნებიან: კარგი ხარ, მაგრამ...
მერე ვიგრძენი უსასოება.
ვგრძნობ თითქოს მართალს სურს ჩემი ჩაგვრა,
თითქოს გამთელავს მკაცრი დროება.
ადამიანი ადამიანობს?
თუ მარიონეტს ემსგავსა ყველა...
მინდა სიცრუემ გადამიაროს,
და მტრისაგანაც ვითხოვო შველა.
თუ მოველოდი ოცნების მიზეზს,
მერე ნანატრი რომ ამეხდინა.
ახლა შორიდან სიკვდილი მიმზერს,
ჩემს ოცნებებზე მე ამეტირა.
როცა "კარგობა" მქონდა სტატუსად
მაშინ დავმარცხდი ათასჯერ მწარედ.
რომ მომეჩვენა წლები აფსუსად,
რომ მომეჩვენა კამათი მწვავედ,
მაშინ სურვილებს ვაჯობე, დავწვი,
მაშინ მოვუღე კონფლიქტებს ბოლო,
მაშინ დავლიე პირველად ყანწით,
ღვინის მაგივრად წარსული მხოლოდ.
თურმე ამხდარა რაც იყო ფლიდი,
თურმე მომავალს ჯერ არ ეძინა.
ბედნიერებად რას აღარ ვთვლიდი,
ჩემს ოცნებებზე მე გამეცინა.
მეუბნებიან: კარგი ხარ, მაგრამ...
მერე ვიგრძენი აზრის ცვალება.
მეგობრობისთვის დამკარით მაგრად,
ღირს ამისთვისაც გარდაცვალება.
დღს კიდევ მითხრეს: კარგი ხარ, მაგრამ...
მერე ვიგრძენი აზრის ცვალება.
სიყვარულისთვის თუ ბოძზე მაკრავთ,
არ გამოგივათ ჩემი წვალება.
21/05/2012
რ.ინაშვილი

Permalink Rati Inashvili მაისი 22, 2012 | 11:45pm:

* * * 

წადი, გაგიშვებ,
თუმცა არც მყავდი გულში პატიმრად,
შემომრჩენია დავიწყების კიდევ უნარი.
შენც მაპატიე მკაცრმა დროებამ თუ მაპატია,
ისევ ვიცოცხლებ,
თუ მარტოობა იქნა მკურნალი.
სხვა გქონდა ფიქრი, 
ალბათ  მაშინაც სხვა უნდა გეთქვა,
მე კი პასუხად მიმიღია შენი დუმილი.
შენ ანგელოზი გაფრენილი რომ უნდა გერქვას,
მე დაბრუნების მცდელობისა დამრჩა სურვილი
22.05.2012

Permalink markozashvili მაისი 23, 2012 | 7:05pm:

კარგები ხართ ბიჩებო გააგრძელეთ წერა რა იცით რა ხდება  :  ) რატი შენი მეორე ლექსი მაგრად მომეწონა კარგიააააააა :): ): )

Permalink Rati Inashvili მაისი 23, 2012 | 8:39pm:

რომელი, კარგი რომ ვარ? ))

 

Permalink Rati Inashvili მაისი 28, 2012 | 8:11pm:

 შენდობის დღე 

მომიტევეთ, თუმც არა ვარ ღირსი ამის,
სიმსუბუქეს ვეღარ იგრძნობს ჩემი გული.
დღეს დრო გაქრა, ყველა სიტყვა ფიცი არის,
ოცნება და ფიქრი ძალზედ შებინდული.

არ ემჩნევა სინანული ცას და მიწას,
არ ჩერდება, გამალებით ოხრავს გული.
მინდა ცეცხლმა სიძულვილი გადამიწვას
და სამოთხის ბაღი ვნახო, მოხატული...

აღარ მინდა შავი ჰქონდეს ფერი ზეცას...
და მიწაზე მესეოდნენ ჯალათები.
მეც შემინდეთ აპატიეთ თუკი მეძავს,
წინ გედგათ და ხელს ძმის მკვლელსაც არ ადებდით.

სხვაც თუ არ გთხოვთ ვერ მიწოდებთ მეც კი ლაჩარს,
პატიების თხოვნას კი არ ვერიდები.
მეც შემინდეთ არ ემდურით თუკი ყაჩაღს,
გესმოდათ და ხმას ვერავინ ვერ იღებდით...

დღეს ფხიზელს მსურს შეგევედროთ, არ ვარ მთვრალი,
საბრალო ვარ ცოდვით ღამეს რომ ვითენებ.
აღარა მაქვს არაფერი დასამალი,
არ ვარ ღირსი, მაინცა გთხოვთ- მომიტევეთ!
26/02/2012 

Permalink ლაშა მაისი 28, 2012 | 10:27pm:

რატი მადლობა ძალიან დიდი... მგონი უსამართლობაა ჩემს გახსნი ფორუმს პასუხობდე ასეთი კარგი ლექსებით...

ვიფიქრე აჯობებს შენი ფორუმი გააკეთო, პირადად შენი პოეზიის... ძალიან ლამაზად წერ... წარმატებები...

Rati Inashvili said:

 შენდობის დღე 

მომიტევეთ, თუმც არა ვარ ღირსი ამის,
სიმსუბუქეს ვეღარ იგრძნობს ჩემი გული.
დღეს დრო გაქრა, ყველა სიტყვა ფიცი არის,
ოცნება და ფიქრი ძალზედ შებინ

Permalink Rati Inashvili მაისი 29, 2012 | 12:33am:

მადლობა ლაშა, ვიფიქრებ მაგაზე, თუმცა ზედმეტად გაპიარებად მიმაჩნია

• ‹ წინა
• 1
• 2
• შემდეგი ›
• გვერდი