მიყვარს გაზაფხული, გაცოცხლება მიყვარს ბუნების, ყვავილები: ია, ენძელა, ყოჩივარდები, ფურისულა, ასე ეძახიან ჩემთან სოფელში. (შეიძლება სხვაგან სხვა სახელს ეძახიან) მახსოვს როგორ დავრბოდით ბავშვები ბუჩქიდან ბუჩქის ძირში, როგორ ვაგროვებდით ყვავილებს, როგორ ვეჯიბრებოდით ვინ უფრო მეტ ყვავილს მოკრეფდა და დაღამებისას როგორ ვბრუნდებოდით სახლში. სახლში კი მშობლების საყვედურები, სად ხართ აქამდე? რა დროა? გაკვეთილები მოსამზადებელი გაქვთ, მე მოვყვები ხვალ შენს მაგივრად სკოლაში გაკვეთილს? ასე დატუქსულები მივუსხდებოდით ხოლმე სამეცადინოდ მაგიდას და ისმოდა მუქარა სანამ არ ისწავლი აწი ფეხს არ გაადგავ ყვევილების საკრეფად. რა ტკბილიაა ახლა ამის გახსენება და როგორ მენატრება ეს ყველაფერი. ეხლაც მინდა მქონდეს სოფელი, სადაც ბევრი ყვავილები იქნება და წავალ ყვავილების მოსატანად ტყეში.

     მიყვარს გაზაფხული მახარებს და მავსებს მისი მობრძანება, გაზაფხულზე მეტად იასამანი მიყვარს იასამანი საოცარი ყვავილია კეთილი, ლამაზი, სურნელოვანი. მე ყვავილების დედოფალს ვუწოდებდი მას. სიტყვები არ მყოფნის ვერ ვპოულოობ მის შესამკობელს. მართლაც დედოფალია თავისი მშვენიერებით და სურნელით გაზაფხულზე ჰაერში რომ აფრქვევს, როგორ მახალისებს და ასიათასჯერ მავსებს სიცოცხლის ენერგიით.

     ერთხელ, გაზაფხულით აჩქარებული ნაბიჯით მივუყვებოდი ავლაბარში სამებისკენ მიმავალ გზას, როგორც ყოველთვის ლექციაზე მაგვიანდებოდა. ახალი აყვავებული იყო იასამანი, ქალაქის ქუჩებში ჯერ არ იყო გამოფენილი გასაყიდად. ქუჩაში დავინახე ბიჭი, რომელსაც ორი ტოტი იასამანი ეჭირა. იასამნის დანახვაზე თვალები გამიფართოვდა სუნთქვა შემეკრე და გულ დაწყვეტილმა გავიფიქრე რა იქნებოდა ის იასამანი მე მჭერებოდა ხელში. ვხედავდი ბიჭს, რომელიც მოდიოდა გამისწორდა ყვავილი გამომიწოდა და მითხრა ეს შენიაოო უცბად ვერ მივხვდი რა მოხდა და ინსტიქტურად გამოვართვი ყვავილი სრულიად უცნობს სახეც კი არ მახსოვს იმ ბიჭის, გავცდით ერთმანეთს და მივხვდი რომ ასეთი გულწრფელი ნატვრა ასე სწრაფად ამიხდა. გახარებული კი არ მივდიოდი არამედ მივფრინავდი და დაგვიანებულ ლექციაზე სახე გაბადრულმა შევაჭერი, დავჯექი, მაგრამ მე ლექციაზე არ ვიყავი. მე, იასამანთან ერთად გახარებული ვბოდიალობდი ქალაქის ქუჩებში. ეს ყველა შეგრძნება თუ განცდა ისევე მახსოვს როგორც იმ წუთას განვიცდიდი და შევიგრძნობდიი!!!!...