'არაა საჭირო ვიყო საოცრად პოპულარული, რათა ჩემმა ცხოვრებამ მნიშვნელობა იქონიოს.' -
ამბობდა კორი მონტეიტი, ხოლო საკუთარ თავს ახასიათებდა ამგვარად - მაღალი, უცნაური, კანადელი,
მსახიობი, დრამერი და ადამიანი.  ამა წლის აპრილში ჩვენ გავიგეთ, რომ ტელეშოუ 'გლის' მსახიობი და ლეა მიშელის შეყვარებული კორი 

მონტეიტი ნარკოდამოკიდებულებისგან საბოლოოდ თავის დასაღწევად კლინიკაში მოხვდა . კორიმ ერთი თვის შემდეგ დადებითი შედეგით დატოვა სამკურნალო ცენტრი და სამუშაოს დაუბრუნდა. მსახიობს ხშირად აფიქსირებდნენ პაპარაცები. თითქოს ყველაფერი გამოსწორდა და კორი მზად იყო ახალი ცხოვრება დაეწყო ლეასთან ერთად. წყვილი შეუღლებას და ბავშვის ყოლასაც კი გეგმავდა. 

თუმცა, 14 ივლისს მსოფლიომ შემზარავი სიახლე გაიგო. 31 წლის ასაკში გარდაიცვალა კანადელი მსახიობი კორი მონტეიტი , რომლის ცხედარი ვანკუვერის სასტუმროში იპოვეს. ინფორმაცია ვანკუვერის პოლიციის მიერ იქნა დადასტურებული: 'შემოვიდა ზარი ადამიანის გარდაცვალებასთან დაკავშირებით, რის შემდეგაც მოხდა გვამის ამოცნობა. სამწუხაროდ, ახალგაზრდა მამაკაცი კორი მონტეიტი აღმოჩნდა. ჩვენ ვუსამძიმრებთ მის ოჯახს, მეგობრებს, გლის უზარმაზარ კოლექტივს და ფანებს.' 

კორი სასტუმროში 6 ივლისს მივიდა და ნომერი 14 ივლისის ჩათვლით აიღო. ვადის გასვლის შემდეგ მსახიობი მიმღებში არ გამოცხადდა, რის შემდეგაც მომსახურე პერსონალმა ის უგონო მდგომარეობაში იპოვა. ჯერჯერობით დაუდგენელია გარდაცვალების ნამდვილი მიზეზი. ყოველივე გვამის გაკვეთის შემდგომ გახდება ცნობილი. თუმცა, ვარაუდობენ, რომ მსახიობი ნარკოტიკებისა და აბების ზედმეტმა დოზამ იმსხვერპლა.

პაპარაცებმა კორი ლეასთან ერთად 20 ივნისს ლაქსის აეროპორტში დააფიქსირეს, სადაც წყვილი როგორც ყოველთვის ბედნიერად გამოიყურებოდა. მიშელი მას გულშემატკივრობდა და ერთი წუთითაც არ მიუტოვებია გასაჭირის ჟამს. 'მიყვარს და მხარს ვუჭერ კორის. მის გვერდით ვიქნები მუდამ, მეამაყება, რომ მსგავსი გადაწყვეტილება მიიღო.' მსოფლიო შეძრა მისმა გარდაცვალებამ. თვითერი სამგლოვიარო წერილებმა მოიცვა. მისი უახლოესი მეგობრები 

თუ უბრალოდ სელებრითები ჯერ კიდევ შოკში არიან. სოციალური ქსელების საშუალებით ისინი მწუხარებას გამოთქვამენ მომხდართან დაკავშირებით და უთანაგრძნობენ კორის ოჯახს და ლეას. მოდით ჩვენს შევუერთდეთ მათ რიცხვს და პატივი მივაგოთ უდავოდ შესანიშნავი ადამიანისა და მსახიობის კორი მონტეიტის ხსოვნას.