25 ივლისს (ძვ. სტ. 12 ივლისს) ქრისტეს ეკლესია იხსენიებს ათონის მთაზე ქართლი სამონაზვნო ცხოვრების დამაარსებლებს - იოანეს და გაბრიელს…► ვრცლად ◄

24 ივლისს (ძვ. სტ. 11 ივლისს) ქრისტეს ეკლესია იხსენებს კიევის განმანათლებელს, მოციქულთასწორ ელენეს      X საუკუნეში, კიევში ცხოვრობდა და მოღვაწეობდა მოციქულთასწორი ოლღა. ის იზბორსკების (დიდებულთა გვარი) შთამომავალი იყო და მითხოვილი კიევის დიდ მთავარზე - იგორზე. 945 წელს, როდესაც წმინდანის მეუღლე მოკლეს, შემდეგ კი სამეფო ტახტი სვიატოსლავის მცირეწლოვნობის გამო მმართველის გარეშე რჩებოდა, ხელისუფლება ოლღას ხელში გადავიდა. კერთპთაყვანისმცემელთა შორის გაზრდილი ოლღა, წარმართობას ნაზიარები და მათი წეს-ჩვეულებებით გაჯერებული, სასტიკად გაუსწორდა ქმრის მკვლელ დრევლიანებს - მათი სამკვიდრებელი დაიპყრო, გადაწვა, მოაოხრა, მოსახლეობა ამოჟლიტა და კიდევ მრავალ ტყვედ ჩაიგდო. ამის შემდეგ ოლღამ განამტკიცა ცენტრალიზებული ხელისუფლება, მოიარა, აღწერა და მაზრებად დაყო კიევის მიწები, პირველი საზღვრებიც დაუწესა ქვეყანას... იგი მართალი და გულმოწყალე მსაჯული იყო, უყვარდა გლახაკები, მოხუცები და დავრდომილები; ყველა მოსულს გულისხმიერებით უსმენდა, დაუზარლად ასრულებდა ყოველ სამართლიან სათხოვარს...      ამ პერიოდში…► ვრცლად ◄

22 ივლისს (ძვ. სტ. 9 ივლისს) ქრისტეს ეკლესია იხსენიებს წმინდა ტავრომენელ მოწამე ეპისკოპოსს ბაგრატს      წმინდა ბაგრატი, ჯერ კიდევ მაშინ დაიბადა, როდესაც იესო ქრისტე - განკაცებული სიტყვა, ქადაგებდა და მოღვაწეობდა. ბაგრატი წარმოშობით ანტიოქიელი იყო, მისი მშობლებიც იქიდან გალხდნენ. როდესაც იესოს შესახებ შეიტყო ბაგრატის მამა, შვილთან ერთად იერუსალიმში ჩავიდა, რადგან სურდა საკუთარი თვალით ეხილა საკვირველმოქმედო მოძღვარი. მაცხოვრის აღსრულებული სასწაულების ხილვის შემდეგ, მოსმენილი ქადაგების და მადლის შეგრძნობის შემდეგ, ბაგრატის მამამ აღიარა იესო ძე ღმრთისად და მის მოწაფეებსაც დაუახლოვდა.      ელეონის მთაზე მაცხოვრის ამაღლების შემდეგ, როცა მოციქულები საქადაგებლად წავიდნენ სხვადასხვა ქვეყნებში, ანტიოქიაშიც ჩავიდა ერთ-ერთი მოწაფე უფლისა და ბაგრატი, მის მშობლები და მთელ სახლეული მონათლა ქრისტეს რჯულზე. მშობლების გარდაცვალების შემდეგ, წმინდა მამამ მიატოვა ყოველივე მონაგები და პონტის მთებს მიაშურა, ერთი გამოქვაბული მონახა და ის გაიხადა ღამის გადათევად და თავის მისადრეკად. დღეებს ლოცვასა და უფლის…► ვრცლად ◄

11 სექტემბერს (ძვ. სტ. 29 აგვისტოს) ქრისტეს ეკლესია იხსენებს თავისკვეთას წმინდისა დიდებულის წინასწარმეტყველისა, წინამორბედისა და ნათლისმცემლისა უფლისა ჩვენი იესო ქრისტესისა - იოანე ნათლისმცემლისა      გალილეის მთავარ ჰეროდე ატიპას საპყრობილეში ჰყავდა დატყვევებული წმინდა იოანე ნათლისმცემელი. მიზეზი კი ის გახლდათ, რომ იოანე ამხელდა ჰეროდეს - უკანონოა შენი ძმის, ფილიპეს ცოლი ჰეროდია გყავდეს მეუღლედო, მითუმეტეს რომ ფილიპეს და ჰეროდიას შვილიც ჰყავდათ და ფილიპეც ჯერ ცოცხალი იყო. ამ მხილების გამოისობით, როგორც მათე მოციქული წერს, ჰეროდეს სურდა მოეკლა იოანე, მაგრამ ხალხისა ეშინოდა, რადგან უფლის ნათლისმცემელს წინასწარმეტყველის სახელი ჰქონდა.      წმინდა მახარებლები იოანეს თავისკვეთის ეპიზოდს იწყებენ ჰეროდეს მიერ თავისი დაბადების დღის "გრანდიოზული" აღნიშვნით. გალილეის მმართველმა თავის დაბადების დღეზე მოიწვია და "სერი უმზადა მთავართა მისთა და ათასისთავთა მისთა და აზნაურთა გალილეაისათა" (მრკ. 6, 21). და ამ ლხინის დროს ჰეროდიას ასულმა - სალომემ იცეკვა თანამეინახეთა წინაშე. ჰეროდეს ისე მოეწონა…► ვრცლად ◄