"ბედნიერება მხოლოდ ურთიერთობასა და თანაზიარებაში მიიღწევა! "

ეს არის ფილმი ადამიანის ხელახალი დაბადებისა.

ხელახალი დაბადება იმისთვის, რომ უარი თქვას ყოველივე იმაზე, რაც მას წინა სამყაროში ჰქონდა, რასაც გარშემომყოფებში და თავად მშობლებშიც ხედავდა: სიცრუე, პირფერობა, მოჩვენებითი ბედნიერება.…

ახლა ღამეა და ბნელა, მაგრამ ხვალ ისევ გათენდება და მზე მოჰფენს ნათელს ყოველივეს....

ახლა დუმილია სულში, მაგრამ ისიც მალე ახმაურდება....

ახლა ტკივილია, მაგრამ ესეც გაივლის და სიხარული დაისადგურებს....

ახლა მარტოობაა, უმიზნობა და უსაშველობა...

ახლა სიზარმაცეა და უმწეობა, მაგრამ მხოლოდ ახლა......

მხოლოდ ახლა და დღეს...მაგრამ ხვალ ყველაფერი შეიცვლება....

ხვალ შევიცვლები მე, შეიცვლები შენ და შეიცვლება სამყარო... 

ხვალ მე ვიბატონებ ჩემს თავზე…

".... ცეცხლი იმიტომ კი არ გარბის წყლისგან, რომ სძულს ის, არამედ საკუთარი თავის სიყვარულის გამო,  რომ გადაარჩინოს საკუთარი თავის წყლის სიცივისგან, ხოლო წყალიც აქრობს ცეცხლს, არა სიძულვილის გამო მის მიმართ, არამედ ერთგვარი სურვილის, გაავრცელოს საკუთარი სიცივე. ასე რომ ყველანაირი სურვილი მიმართულია სიკეთისკენ და არა ბოროტებისკენ. 

ჩვენ გვშურს ყოვლისშემძლე და ძლიერი ადამიანების, არა მათ მიმართ სიძულვილის, არამედ სიყვარულის გამო…